ހޯރަފުއްޓާއި އުލިގަމުގައިވެސް ފެންބޮޑުވެއްޖެ

ރާއްޖޭގެ އުތުރަށް މިހާރު ކުރަމުންދާ ވިއްސާރާގައި ހއ ހޯރަފުއްޓާއި އެއަތޮޅު އުލިގަމުގައިވެސް ފެންބޮޑުވެއްޖެ އެވެ.

ހޯރަފުށީގެ 13 ގެޔަކަށް ފެންވަދެ ރިޕޯޓްކޮށްފައިވާއިރު ރިޕޯޓްކޮށްފައިވާ ހުރިހާ ގެޔެއްގައި ވަނީ ވެލި ބަސްތާ ޖަހާފަ އެވެ. އެ މަސައްކަތުގައި އެމްޓީސީސީ އާއި ފުލުހުން އަދި ކައުންސިލް ހަރަކާތްތެރިވެފައިވެ އެވެ.

އުލިގަމުގެ އިންޖީނުގެ ސަރަހައްދުގައި ފެންބޮޑުވެފައިވާއިރު އެސަރަހައްދުން ފެންހިއްކުމުގެ މަސައްކަތް ފެނަކަ މުވައްޒަފުންނާއި ފުލުހުންގެ ޑެސްކުން ދަނީ މަސައްކަތް ކުރަމުންނެވެ.

އުތުރަށް ކުރަމުންދާ ވިއްސާރާގައި ކުޅުދުއްފުއްޓާއި ނޮޅިވަރަމްގައި އިއްޔެ ފެންބޮޑުވެފައިވާއިރު އުތުރުގެ ގިނަ ރަށްތަކެއްގައި ވާރޭވެހި މިއަދު ފެންބޮޑުވަމުންދާ ކަމުގެ ރިޕޯޓްތައް ދަނީ ލިބެމުންނެވެ.

މޫސުމާ ބެހޭ ގައުމީ އިދާރާއިން ބުނީ ކުރިއަށް އޮތް ތިން ދުވަހުގެ ރާއްޖޭގެ އެކި ސަރަހައްދުތަކަށް ވިއްސާރަކުރާނެކަމަށާއި އެކަމަށް ސަމާލުވެ ތިބުމަށެވެ.