ކޭއާރުއެޗުގެ އެޕޮއިންޓްމަންޓް ހެދުމުގެ އުސޫލަށް ބަދަލު ގެނެސްފި

ކުޅުދުއްފުށީ ރީޖަނަލް ހޮސްޕިޓަލުން އެޕޮއިންޓްމެންޓް ހެދުމުގެ ގަވައިދަށް ބަދަލުތަކެއް ގެނެސްފި އެވެ.

މިދިޔަ މެއި މަހު 28 ވަނަ ދުވަހުން ފެށިގެން ގެނައި މި ބަދަލާއި އެކު މިހާރު ކުރިއަށް އޮތް ދެ ހަފްތާއަށް އެޕޮއިންޓްމެންޓް ހެއްދޭނެ އެވެ.

އެޕޮއިންޓްމެންޓް ހެއްދޭނީ ކުރިންވެސް ހައްދަމުން އަންނަ ގަޑިތަކުގައެވެ. އެއީ މެންދުރުފަހު 2:00 ން ރޭގަނޑު 08:00 ދެމެދުއެވެ.

މީގެ ކުރިން އެ ހޮސްޕިޓަލުން އެޕޮއިންޓްމެންޓު ހައްދަމުން އަންނަނީ އެއްދުވަސް ކުރިއަށެވެ. މީގެ ކުރިން އެޕޮއިންޓްމެންޓް ހައްދަމުން އަންނަ އުސޫލާމެދު ހިތްހަމަނުޖެހި ހިދުމަތް ހޯދާފަރާތްތަކުން ހިތްހަމަނުޖެހުން ފާޅުކޮށްފައި ވެއެވެ.

ނަމަވެސް މި ބަދަލާއިއެކު ހިދުމަތް ހޯދަމުން އަންނަ ފަރާތްތަކަށް ލުއިފަސޭހަތަކެއް ލިބިގެން ދާނެއެެވެ.