ރިސޯޓް ހަދައިގެން ލިބޭ ފައިސާއިން މާލެ ތޮއްޖެއްސުން ނިމުމަކަށް ގެންނަށް ޖެހޭ: އަލީ

ފަޅުރަށްތައް މޯލްޑިވްސްއަށް ބަދަލުކޮށްގެން ލިބޭ ފައިސާއިން މާލެއަށް ތޮއްޖެއްސުން ނިންމުމަކަށް ގެންނަ ޖެހޭކަމަށް ކެންދޫ ދާއިރާގެ މެންބަރު އަލީ ހުސެއިން ވިދާޅުވެއްޖެ އެވެ.

ރައްޔިތުން މަޖިލީހުގައި ހޯމަ ދުވަސް ބަހުސް ކުރައްވަމުން އަލީ ވިދާޅުވީ ދިވެހި ރާއްޖޭގައި ވަށައިގެންހުރި ހުރިހައި ފަޅުރަށްތައް ނަގާ މޯލްޑިވްސްއަށް ބަދަލުކޮށްގެން ލިބޭ ފައިސާއިން މާލެ ތޮއްޖެސުން ނިމުމަކަށް ގެންނަން ޖެހޭ ކަމަށާއި، ވަށައިގެން ހުރި ހުރިހާ ފަޅުރަށެއް ނިމި ރިސޯޓުތަކަށް ހެދި މުޅި ދިވެހި ރާއްޖޭގެ ހުރިހާ ރަށެއް މޯލްޑިވްސްއަށް ބަދަލުވަމުން ދާ ކަމަށެވެ.

ދިވެހި ރާއްޖޭގައި ވަށައިގެންހުރި ހުރިހައި ފަޅުރަށްތައް ނަގާ މޯލްޑިވްސްއަށް ބަދަލުކޮށްގެން ލިބޭ ފައިސާއިން މާލެ ތޮއްޖެސުން ނިމުމަކަށް ގެންނަން ޖެހޭ. pic.twitter.com/dAdCqoqH7S

— Ali Hussain (@AleeVoice) July 29, 2019

"އަޅުގަނޑުމެންނަށް މި ރާއްޖޭގައި މި ފެންނަނީ މާލެއާ، މޯލްޑިވްސްއާއި ދިވެހިރާއްޖެ. އެހެންވީމަ މޯލްޑިވްސް، ދިވެހި ރާއްޖޭގެ ރަށްރަށް ބޭނުންކޮށްގެން މޯލްޑިވްސް ހަދައިގެން މާލެއަށް ތޮއްޖެއްސުމުގެ ސިޔާސަތު އެބަޖެހޭ ނިމުމަކަށް ގެންނަން" މެންބަރު އަލީ ވިދާޅުވި އެވެ.

މީގެ އިތުރުން ރާއްޖޭގެ ރަށްރަށުގައިވެސް އަދި ރާއްޖޭގައި އުޅެނީ ދިވެހި ރައްޔިތުންކަންވެސް ގަބޫލް ކުރަން ޖެހޭކަމަށްވެސް މެންބަރު ވިދާޅުވި އެވެ. މެމްބަރު އަލީ ހުސެއިން ފާހަގަކުރެވިފައިވަނީ އަބަދުވެސް އަތޮޅުތެރޭގެ ތަރައްގީގައި ކެރިގެން ވަކާލާތުކުރައްވައި މެމްބަރެއްގެ ގޮތުގައި އެވެ.