ކުޅުދުއްފުށީގައި އެކްސިޑެންޓެއް ހިނގައި ޒުވާނަކަށް ބޮޑު އަނިޔާއެއް!

ކުޅުދުއްފުށީގައި މިއަދު ކާރަކާއި ސައިކަލެއް ޖެހި ހިނގި އެކްސިޑެންޓެއްގައި ޒުވާނަކަށް އަނިޔާވެއްޖެ އެވެ. މި ހާދިސާގައި އަނިޔާވީ ސައިކަލު ދުއްވަން އިން 28އ އާދަމް މުހައްމަދެވެ.

މަގާންމަގު، ބަނަފުސާގެ ކައިރީގައި ހިނގި މި އެކްސިޑެންޓްގައި އެތަނުގެ ހުރި ފިހާރައެއް ބިއްލޫރިގަނޑުވެސް ވަނީ ތެޅިފަ އެވެ.

މިހާދިސާގައި ސައިކަލު ދުއްވަން އިން އާދަމް މުހައްމަދަށް ވަނީ އަނިޔާވެފަ އެވެ. ކުޅުދުއްފުށީ ރީޖަނަލް ހޮސްޕިޓަލުން ބުނީ އޭނާގެ މެއިކަށިގަނޑުގެ މަތި (ކުލެވިކް) ކަށިގަނޑާއި ވައަތުގެ ކަށިގަނޑެއް ބިނދިފައިވާ ކަމަށެވެ.

ހޮސްޕިޓަލުން ދެވެން އޮތް ފަރުވާއެއް ދިނުމަށްފަހު އޭނާ މާލެ ފޮނުވާލުމުގެ މަސައްކަތް ކުރަމުންދާކަމަށެވެ. ނަމަވެސް ފުރާނައަށް ނުރައްކާވާ ފަދަ އަނިޔާއެއްވެފައިނުވެ އެވެ.

މިހާދިސާގައި ސައިކަލަށާއި ކާރުގެ ކުރީކޮޅަށް ވަނީ އެކިވަރުގެ ގެއްލުންވެފަ އެވެ.