އީދު ބަންދުގައި ކޭއާރުއެޗުގައި ރަސްމީކޮށް ހިދުމަތް ދޭނީ 3 ދުވަހު

މި އަހަރުގެ އަޟްޙާއީދު ދުވަހާއި އެދުވަހުގެ މުނާސަބަތާ ގުޅިގެން ދިމާވާ ބަންދު ދުވަސްތަކުގައި ރަސްމީ ހިދުމަތްތައް ލިބޭނީ އޯގަސްޓް 12، 15 އަދި 17 ވަނަ ދުވަހުގައެވެ.

މި ތިންދުވަހު މެޑިކަލް އޮފިސަރުންނާއި، ހާއްސަ ބަލިތަކުގެ ޑޮކްޓަރުން ޑިއުޓީގައި ތިއްބަވާނެކަމަށާއި އަދި ލެބޯޓްރީއާއި އެކްސްރޭގެ ހިދުމަތްތަށް އާންމު އުސޫލުން ފޯރުކޮށްދެއްވަމުން ގެންދާނެ ކަމަށް ކުޅުދުއްފުށީ ރީޖަނަލް ހޮސްޕިޓަލުން ހާމަކުރައްވައެވެ.

އަދި މި މަހުގެ 10، 11، 13 ،14 އަދި 16 ވަނަ ދުވަހު ޑިއުޓީގައި ތިއްބަވާނީ ހަމައެކަނި މެޑިކަލް އޮފިސަރުން ކަމަށާއި މި ދުވަސްތަކުގައި ލެބޯޓްރީ އާއި އެކްސްރޭގެ ހިދުމަތް ފޯރުކޮށްދޭނީ ހަމައެކަނި ހާއްސަ ހާލަތްތަކުގައި ކަމަށް އެ ހޮސްޕިޓަލުން ހާމަކުރައްވައެވެ.