ބޮޑު އީދު ބަންދުގައި އުތީމު ގަނޑުވަރު ހުޅުވަނީ

މި އަހަރުގެ އަޟްހާ އީދު ބަންދުގައި އުތީމު ގަނޑުވަރު ހުޅުވާގޮތަށް މިނިސްޓްރީ އޮފް އާޓްސް، ކަލްޗަރ އެންޑެ ހެރިޓޭޖުން ނިންމައިފިއެވެ. އުތީމު ގަނޑުވަރާއިއެކު ހުވަދޫ ސަރަހައްދީ ދާރުލްއަސާރުވެސް އީދު ބަންދުގައި ހުޅުވާނެއެވެ.

އެގޮތުން އޮގަސްޓު 12 ން 15 އަށް ހެނދުނު 08:15 ން މެންދުރު ފަހު 13:30 އުތީމު ގަނޑުވަރު އަދި ހުވަދޫ ސަރަހައްދީ ދާރުލްއަސާރު ހުޅުވިފައި ހުންނާނެއެވެ.

ނަމަވެސް ހައްޖު ދުވަހާއި އަޟްހާ އީދު ފުރަތަމަ ދުވަހު އުތީމު ގަނޑުވަރާއި ހުވަދޫ ސަރަހައްދީ ދާރުލްއަސާރު ބަންދު ވާނެއެވެ.

އީދު ބަންދަށް ފަހު އޮގަސްޓު 18 ވަނަ ދުވަހުން ފެށިގެން ކުރިއެކޭވެސް އެއްގޮތަށް ކޮންމެ ހުކުރު ދުވަހެއް ފިޔަވާ އުތީމު ގަނޑުވަރު އަދި ހުވަދޫ ސަރަހައްދީ ދާރުލްއަސާރު ހެނދުނު 08:15 ން މެންދުރުފަހު 13:30 ހުޅުވިފައި ހުންނާނެއެވެ.