ލާމަރުކަޒީ ގާނޫނަށް ހުށަހަޅާ އިސްލާހްތައް ފާސްވުމުން ރައްޔިތުންނަށް ފާގަތިކަން އަންނާނެ: އާތިފް

ލާމަރުކަޒީ ގާނޫނަށް ސަރުކާރުން ހުށަހަޅާ އިސްލާހްތައް ފާސްވުމުން ރައްޔިތުންނަށް އުފާ ފާގަތިކަން އަންނާނެކަމަށް ހދ އަތޮޅު ކައުންސިލްގެ ކުރީގެ ރައީސް އަހުމަދު އާތިފް ވިދާޅުވެއްޖެ އެވެ.

އާތިފް މިހެން ވިދާޅުވީ އޭނާ މިރޭ ކުރެއްވި ޓްވީޓެއްގައި އެވެ. މިހާރު ހދ އަތޮޅު ކައުންސިލް މެމްބަރުކަން ކުރައްވަމުންގެންދަވާ އާތިފް ވިދާޅުވީ ލާމަރުކަޒީ ގާނޫނަށް ސަރުކާރުން ހުށަހަޅާ އިސްލާހްތައް ފާސްވުމުން ކައުންސިލްތަކަށާއި ރައްޔިތުންނަށް އުފާ ފާގަތިކަން އަންނާނެ ކަމަށެވެ.

Laamarukazee Qaanoonah sarukaarun hushahalhaa islaahuthah faasvumun Council thakashaai, rayyithunnah ufaa faagathikan annaane. Hurihaaves ehchakee “Ikhlaastherikan”. @thiladhun @kulhudhuOnline

— Ahmed Athif (@Ahmed_Athif) August 23, 2019

އާތިފް މިހެން ވިދާޅުވެފައިމިވަނީ އެމްޑީޕީން ކުރިއަށްގެންދާ ކައުންސިލަރުންގެ ކޮންފަރެންސްގައި ސަރުކާރުގެ ފަރާތުން ރާއްޖެ ތަރައްގީކުރުމަށް ނިންމާފައިވާ ޕްލޭން ހާމަކުރައްވާފައިވަނިކޮށްނެވެ.