ދަރުމަވަންތަ ހޮސްޕިޓަލުގައި އެސްޓީއޯގެ ފާމަސީއެއް ހުޅުވައިފި

އެސްޓީއޯ އިން "އެސްޓީއޯ ފާމަސީ ދަރުމަވަންތަ" ގެ ނަމުގައި އައު ފާރމަސީއެއް އައި.ޖީ.އެމް.އެޗް ގެ ދަރުމަވަންތަ ކޮމްޕްލެކްސްގައި މިއަދު ހުޅުވައިފިއެވެ.

މި ފާމަސީ ރަސްމީކޮށް ހުޅުވައިދެއްވީ އައިޖީއެމްއެޗްގެ ސީއީއޯ އާއި އެސްޓީއޯގެ ސީއީއޯ އަދި މެނޭޖިން ޑިރެކްޓަރެވެ. މި ފާމަސީގެ ހިދުމަތް ހޮސްޕިޓަލްގެ އޯޕީޑީ ހުޅުވާފައި ހުންނަ ހުރިހައި ވަގުތެއްގައިވެސް ލިބޭނެކަމަށް އެސްޓީއޯ މެޑިކަލްސްއިން މައުލޫމާތު ދެއެވެ.

އެސްޓީއޯގެ އެހެން ފާމަސީތަކާއި އެއްގޮތަށް މިފާމަސީއިންވެސް އާސަންދަ އާއި އެލައިޑް އަދި އަމާނާތަކައްފުލް އިންޝުއަރެންސް ކަވަރުކުރާނެއެވެ.

މި ހަފްލާގައި އެސްޓީއޯގެ އިސްވެރިންގެ އިތުރުން އައި.ޖީ.އެމް.އެޗް ގެ އިސްވެރިން ބައިވެރިވެވަޑައިގަތެވެ.

މި ފާމަސީއަކީ އެސްޓީއޯއިން މިހާތަނަށް ހުޅުވި 188 ވަނަ ފާމަސީއެވެ.