އަލިފާނުގެ ހާދިސާއާ ގުޅިގެން އުރީދޫ ނަމްބަރުތަކަށް މިއަދު ހިލޭ ގުޅޭ ގޮތަށް ހަމަޖައްސައިފި

ރޭ މާލޭގައި ހިނގި އަލިފާނުގެ ބޮޑު ހާދިސާއާ ގުޅިގެން އުރީދޫ ނަމްބަރުތަކަށް މިއަދު ހިލޭ ގުޅޭ ގޮތަށް ހަމަޖައްސައިފި އެވެ.

އުރީދޫ މޯލްޑިވްސް އިން ބުނީ ގައުމަށް ދިމާވި ހިތާމައިގާ ބައިވެރިވެ އުރީދޫ ނަމްބަރުތަކަށް ކުރާ ކޯލުތަކާއި ވައިބާ އަދި ޓްވިޓާ މިއަދު ހިލޭ ގުޅޭނެ ކަމަށެވެ.

މީގެ އިތުރުން ސޯޝަލް މީޑިއާ މެދުވެރިކޮށް އުރީދޫ ކަސްޓަމަރުންނަށް ފަސޭހަކަމާ އެކު އާންމު މައުލޫމާތު ލިބޭނެ ގޮތް ފަހިކޮށްދިނުމުގެ ގޮތުން ޓްވިޓާ ބޭނުންކުރުމަށް ވެސް ޑޭޓާ އަށް އެއްވެސް ޗާޖެއް ނުނަގާނެ އެވެ.

To assist in reaching loved ones outside of our network & abroad, customers can also use Viber calls & messaging for free today. Twitter use will also be made free today, to allow customers to easily access public awareness info being distributed through social media. #MaleFire

— Ooredoo Maldives (@OoredooMaldives) September 21, 2019

ރޭގެ އަލިފާނުގެ ހާދިސާގައި ހަތަރު ގުދަނަކާއި ހަ ގެއެއްގައި ރޯވެ ބޮޑެތި ގެއްލުންތަކެއް ލިބުނެވެ. މި ހާދިސާގައި އަލިފާން ރޯވި ގެއެއްގައި ތާށިވެ އުމުރުން 46 އަހަރުގެ އައިޝަތު ޝައުނާ ވަނީ މަރުވެފަ އެވެ.

ރޯވި ގެތަކާއި އަލިފާނާއި ދުމުގެ އަސަރުކުރި ގެތަކުން 400 އަށް ވުރެ ގިނަ މީހުން ވަނީ ހާލުގައި ޖެހިފަ އެވެ.