ކުޅުދުއްފުށީ ޔޫތް ސެންޓަރު ނިންމުމަށް ބަޔަކާ ހަވާލުކޮށްފި

ކުޅުދުއްފުށީ ޔޫތް ސެންޓަރުގެ ނުނިމި ހުރި މަސައްކަތްތައް ނިންމުމަށް ބަޔަކާ ހަވާލުކޮށްފި އެވެ. އެރަށުގައި ނިމި ދިޔަ ސަރުކާރުން ގާއިމުކޮށްފައިވާ ކުޑަ ޔޫތް ސެންޓަރުގެ މަސައްކަތް ނިންމުމަށް ހަވާލުކޮށްފައިވަނީ ކޮޕެއިންސް އިންވެސްޓްމެންޓްއާ އެވެ.

އެއްބަސްވުމުގައި ސޮއިކުރުމަށް މިދިޔަ ބުރާސްފަތި ދުވަހު ޔޫތް މިނިސްޓްރީގައި ބޭއްވި ރަސްމިއްޔާތުގައި މިނިސްޓްރީގެ ފަރާތުން ސޮއިކުރެއްވީ ޑެޕިއުޓީ މިނިސްޓަރު އަޒްމީލެވެ.

މި އެއްބަސްވުމުގެ ދަށުން އެތަނުގައި މަސައްކަތް ނުނިމި ހުރި ގިމް ރޫމާއި ބެޑްމިންޓަން ހޯލްގެ މަސައްކަތް ނިންމާނެ އެވެ. ތަން އޭސީ ކުރުމުގެ މަސައްކަތްވެސް ކުރާނެ އެވެ. 8 ލައްކައަށްވުރެ ގިނަ ހަރަދުކޮށްގެން ކުރިއަށްގެންދާ މި މަސައްކަތް ނިންމުމަށް ދީފައިވާ މުއްދަތަކީ ސައިޓް ހަވާލުކުރާތާ 30 ދުވަހެވެ.

Contract signed with Copains Investment for the completion of work in HDH. Kulhudhuffushi Indoor Complex. pic.twitter.com/hXSUnDiCna

— Ministry of Youth,Sports and Community Empowerment (@MoYSCEmv) September 18, 2019

ކުރީގެ ސަރުކާރުން ކުޅުދުއްފުށީގައި ހެދި މި ޔޫތް ސެންޓަރުގެ މަސައްކަތް އެއްކޮށް ނިންމާލާފައިނުވާއިރު އެތަނުގެ ބެޑްމިންޓަން ކޯޓް އަންނަނީ ބޭނުންކުރަމުންނެވެ.