އެމްޓީސީސީއާ 3 ރަށެއްގެ ފުޓްބޯޅަ ދަނޑުގެ ސަބް ބޭސް ތައްޔާރުކުރުމަށް ހަވާލުކޮށްފި
60 ދުވަސް ތެރޭ 3 ރަށެއްގެ ފުޓްބޯޅަ ދަނޑުގެ ސަބް ބޭސް ތައްޔާރުކުރުމަށް މިއަދު އެމްޓީސީސީއާ ހަވާލުކޮށްފި އެވެ.
މިއަދު މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓުން ބޭއްވި ރަސްމިއްޔާތެއްގައި މި އެއްބަސްވުމުގައި މިނިސްޓްރީގެ ފަރާތުން މިނިސްޓަރު އަހުމަދު މަހުލޫފު ސޮއި ކުރެއްވި އިރު އެމްޓީސީގެ ފަރާތުން ސޮއި ކުރެއްވީ އެކުންފުނީގެ ސީއީއޯ ހަސަން ޝާހުއެވެ.
މި އެއްބަސްވުމުގެ ދަށުން އެމްޓީސީސީއަށް ސަބް ބޭސް ތައްޔާރުކުރުމަށް ހަވާލުކޮށްފައިވަނީ ގއ ވިލިނގިލި، ސ ހުޅުދޫ އަދި ރ ދުވާފަރުގެ ފުޓްބޯޅަ ދަނޑެވެ.
Contract signed with @MTCCPlc for Football pitch sub base preparation in S. Hulhudhoo, GA. Villingili and R. Dhuvaafaru. pic.twitter.com/lBpGUxQhUd
— Ministry of Youth,Sports and Community Empowerment (@MoYSCEmv) September 23, 2019
އަދި މި އެއްބަސްވުމުގެ ދަށުން މި މަސައްކަތް ނިންމުމަށް ކޮންމެ ރަށަކަށް ކަނޑައަޅާފައި ވަނީ 2.5 މިލިއަން ރުފިޔާގެ ބަޖެޓެއް ކަމަށް ޔޫތު މިނިސްޓްރީން މައުލޫމާތު ދެއެވެ.
މިމަހު ކުރީކޮޅުވެސް ހަތް ރަށެއްގެ ފުޓްބޯޅަ ދަނޑުގެ ސަބް ބޭސް ތައްޔާރުކުރުމަށް އެމްޓީސީސީއާ ވަނީ ހަވާލުކޮށްފަ އެވެ.
