ކުޅުދުއްފުށީގައި ތިބި އެކަނި ހާލާއިގެން ނޫޅެވޭ 65 އަހަރުން މަތީ މީހުންގެ ދަފްތަރެއް އެކުލަވާލަނީ

އެކަނިހާލާގެ ނޫޅެވޭ 65 އަހަރުން މަތީގެ މީހުންގެ މައުލޫމާތު ހޯދުމަށް ކުޅުދުއްފުށީ ކައުންސިލުން ހުޅުވާލައިފި އެވެ.

ކައުންސިލުން ނެރެފައިވާ އިއުލާންގައި ބުނެފައިވަނީ އުމުރުން 65 އަހަރުން މަތީ ފަރާތްތަކުގެ ތެރެއިން އަމިއްލައަށް އެއްގޮތަކަށްވެސް ތެދުވެ ހިނގާބިނގާވެ ނޫޅޭވޭ މީހުންގެ މައުލޫމާތު ޖެންޑަރ މިނިސްޓްރީން ބޭނުންވާތީ ކުޅުދުއްފުށީގައި މިވަގުތު ތިއްބެވި އެފަދަ ފަރާތްތަކުން 10 އޮކްޓޫބަރ 2019 ވަނަ ދުވަހުގެ ރަސްމީގަޑީގައި ކައުންސިލް އިދާރާގެ 6528831 ނަމްބަރާއި ގުޅުވައި ނަންނޯޓް ކުރުމަށް ކައުންސިލުން އެދޭކަމަށެވެ.

ކައުންސިލުން ބުނީ ދާންމަތިވެފައިވެފައިވާ ދޮށީ އުމުރުގެ މީހުންނަށް އަޅާލާ އޯގާތެރި މުޖްތަމައުއެއް ބިނާކުރުމަށާއި ދޮށީ އުމުރުގެ މީހުންގެ ބައިވެރިވުމާއި އެމީހުންނަށް އަޅާލުން އިތުރު ކުރުމަށާއި ޖިސްމާނީ ގޮތުން ދުޅަހެޔޮކަން އަށަގެންނެވުމަށްޓަކައި ޖެންޑަރ ފެމެލީ އެންޑް ސޯސަލް ސަރވިސަސް މިނިސްޓްރީން ފަށާފައިވާ "ރަންވޭލާ" ކެމްޕެއިންގެ ދަށުން ކުރިއަށްދާ ކަމެއް ކަމަށެވެ.