ގައުމީ ބައިސްކަލު ޗެމްޕިއަންޝިޕްގެ ރަންވަނަތައް އަސްމާއަށް

ނޮވެންބަރު 1 ން 2 އަކަށް ކުރިއަށްދިޔަ 3 ވަނަ ނޭޝަނަލް ގައުމީ ބައިސްކަލް ޗެމްޕިއަންޝިލްގެ ރަންވަނަތައް ކުޅުދުއްފުއްޓަށް ނިސްބަތްވާ އަސްމާ ހަސަން ހޯދައިފި އެވެ.

އަންހެން އަދި ފިރިހެން ދެ ބަޔަކަށް ބަހާލައިގެން ކުރިއަށް ގެންދިޔަ މި އިވެންޓުގައި 5 ރޭހެއް ވަނީ ކުރިއަށް ގެންގޮސްފައެވެ. އަސްމާ ވަނީ ތިން ކެޓަގަރީއަކުން 1 ވަނަ ހޯދާ ބެސްޓް އޯލް ރައުންޑް ފީމޭލް ސައިލިސްޓް 2019 ގެ މަގާމުވެސް ހޯދާފައެވެ.

1000 މީޓަރ ސްޕްރިންޓް، 3000 މީޓާރ ސްޕްރިންޓް އަދި ޓީމް ޕްރީސޫޓް އިން 1 ވަނަ ހޯދާފައިވާއިރު އަސްމާ ވަނީ 200 މީޓާ ސްޕްރިންޓްއިން 2 ވަނަ ހޯދާފައެވެ.

200 މީޓަރުގެ ރޭހުން އެއްވަނަ ހޯދާފައިވަނީ މަރިޔަމް ސާރަތު ސަރީފެވެ. މީގެ އިތުރުން ދެން ބޭއްވި 5 ކިލޯމީޓަރުގެ ރޭހާއި 10 ކިލޯ މީޓަރުގެ ރޭހުން އެއްވަނަ ހޯދާފައިވަނީ ނިޒްމީން ލަތީފެވެ.

ފިރިހެން ބައިން 200 މީޓަރ، 1000 މީޓަރ، އަދި 5 ކިލޯ މީޓަރގެ ރޭހުން އެއްވަނަ ހޯދާފައިވަނީ އަލްޔަން މިރްޝަންއެވެ. 300 މީޓަރުގެ ރޭހުން އެއްވަނަ މުހައްމަދު މައިޒް ހޯދާފައިވާއިރު 10 ކިލޯ މީޓަރުގެ ރޭހުން އެއްވަނަ ހޯދީ މުހައްމަދު ފާހިރެވެ.

މި އިވެންޓް ކުރިއަށް ފެންގޮސްފައިވަނީ ހުޅުމާލޭގަ އެެވެ.