ޖަލާލުއްދީން ސްކޫލުން 87 ދަރިވަރަކު ގުރެޖުއޭޓް ވެއްޖެ

ކުޅުދުއްފުށި: ޖަލާލުއްދީން ސްކޫލުން މިއަހަރު ތައުލީމް ހާސިލުކޮށް 87 ދަރިވަރަކު ގުރެޖުއޭޓް ވެއްޖެ އެވެ.

ޖަލާލުއްދީން ސްކޫލުގައި ރޭ ބޭއްވި ދަސްވެނިވުމުގެ ރަސްމިއްޔާތު ޝަރަފުވެރިކޮށްދެއްވީ ހދ އަތޮޅު ކައުންސިލްގެ ޑިރެކްޓަރ ޖެނެރަލް އަބުދުﷲ އައްސަދެވެ.

މި ރަސްމިއްޔާތުގައި އޭލެވެލް ނިންމާ 32 ދަރިވަރަކު ގުރެޖުއޭޓްވި އިރު ގުރޭޑް 10 ނިންމާ 55 ދަރިވަރަކު ވަނީ ގުރެޖުއޭޓްވެފަ އެވެ.

މި ރަސްމިއްޔާތުގައި ދަސްވެނިވި ދަރިވަރުންނަށް ސެޓްފިކެޓް ހަވާލުކޮށްދެއްވީ ހދ އަތޮޅު ކައުންސިލްގެ ޑިރެކްޓަރު ޖެނެރަލް އަބުދުﷲ އައްސަދާއި ކުޅުދުއްފުށީ ކައުންސިލްގެ ރައީސް އަބުދުލް ލަތީފް ހަސަން އަދި ހދ އަތޮޅު ކައުންސިލްގެ ރައީސް އާދަމް އަލީ އެވެ.

މި ރަސްމިއްޔާތުގައި ސްކޫލު މުވައްޒަފުންނާއި ރަށުގައި ގާއިމުވެފައިވާ މުވައްސަސާތަކުގެ ވެރިންނާއި ދަރިވަރުން އަދި ބެލެނިވެރިން ބައިވެރިވެލެއްވި އެވެ.