ދެ މީހުންނާއެކު ފީނަން ނިކުތް ޑިންގީއެއް ބަންޑުން ޖަހާލައިފި

ރޭ ހދ މަކުނުދޫއިން ދެ މީހުންނާއެކު ފީނަން ނިކުތް ޑިންގީއެއް ބަނޑުން ޖަހާލައިފި އެވެ. ފުލުހުން ވިދާޅުވީ މަކުނުދޫއިން 2 މީހުންނާއެކު ފީނަން ނިކުތް ޑިންގީއެއް ބަންޑުން ޖަހާލައިގެން އުޅޭކަމުގެ މައުލޫމާތު ލިބިފައިވަނީ ރޭ 8:55 އެހާއިރު ކަމަށެވެ.

ފުލުހުން ބުނީ މި މައުލޫމާތު ލިބުމާއެކު މަކުނުދޫ ފުލުހުން ރޭ ވަނީ އެ ސަރަހައްދަށް ގޮސް ޑިންގީއާއެކު އެ ދެ މީހުން މާކުރަތު ދޯންޏެއްގެ އެހީތެރިކަމާއެކު މަކުނުދޫއަށް ގެނެސްފައި ކަމަށެވެ.

މި ހާދިސާގައި އެއްވެސް ފަރާތަކަށް ގެއްލުމެއް ލިބިފައިނުވާކަމަށާއި ޑިންގާގައި ފީނަން ނިކުން ދެ މީހުންގެ ހާލުވެސް ރަނގަޅުކަމަށް ފުލުހުން މައުލޫމާތު ދެއެވެ.