ފެންބޮޑުވި ހާދިސާ ރިޕޯޓްކުރުމަށް ކައުންސިލްގެ ހޮޓްލައިން 9498547

ބޯކޮށް ވާރޭވެހި ކުޅުދުއްފުށީގައި ފެންބޮޑުވި ހާދިސާ ރިޕޯޓްކުރުމަށް ހޮޓްލައިނެއް ގާއިމްކޮށްފި އެވެ.

ރެއިން ފެށިގެން ހުއްޓާނުލާ މިއަދު މެންދުރާ ހަމައަށް ކުޅުދުއްފުއްޓަށް ވިއްސާރަކޮށް ބައެއް ސަރަހައްދުތަކުގައި ފެންބޮޑުވެ 20 ގެޔަކަށް ފެންވަދެ ގެއްލުންވިކަމުގައި ރިޕޯޓް މިހާތަނަށް ކައުންސިލަށް ލިބިފައިވެ އެވެ.

ފެންބޮޑުވުމުގެ މިހާދިސާ ރިޕޯޓްކުރުމަށް ކައުންސިލުން ގާއިމުކޮށްފައިވާ ހޮޓްލައިނަކީ 9498547 އެވެ.

ކައުންސިލްގެ ރައީސް ވިދާޅުވެފައިވަނީ މުއައްސަސާތަކާ ގުޅިގެން ފެން ހިންދުމުގެ މަސައްކަތްކުރަމުންދާ ކަމަށާ އެގޮތުން ރަށުގެ ތިން ސަރަހައްދެއްގައި ފެން ހިންދުމަށް ޕަމްޕް ސްޓޭޝަން ގާއިމުކުރެވި ފެން ހިންދުމުގެ މަސައްކަތް ކުރަމުންދާ ކަމަށެވެ.

ޑިޒާސްޓަރ މެނޭޖްމަންޓް އޮތޯރިޓީ އާއި ރެޑްކުރެންސެންޓް، ސިފައިން، އެސްޓީއޯ، ފުލުހުންނާއި ކައުންސިލް، ޕަބުލިކް ވޯކްސް އަދި ރަށުގައި ގާއިމުވެފައި ހުރި އެހެނިހެން މުއައްސަސާތަކުގެ އެހީތެރިކަން ލިބެމުންދާ ކަމަށެވެ.