ކުންފުނީގެ ކޮރަޕްޝަން ހުއްޓުވައި 23 މިލިއަން ރުފިޔާ ސަލާމަތް ކުރެވިއްޖެ: ފެނަކަ

ނަބީލާ އިސްމާޢީލް

Dec 1, 2019

ފެނަކަ ކޯޕަރޭޝަންގެ ކޮރަޕްޝަން ހުއްޓުވައި އޮކްޓޯބަރު މަހުގެ ނިޔަލަށް 23 މިލިއަން ރުފިޔާ ސަލާމަތް ކުރެވިފައިވާ ކަމަށް އެ ކުންފުނިން ބުނެފި އެވެ.

ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދު މުހައްމަދު މިކަން ހާމަކޮށް ވާހަކަ ދައްކާފައިވަނީ ފެނަކައިގެ އިންޖިނިއަރުންގެ މަހާސިންތާގަ އެވެ.

ސައީދު ވިދާޅުވީ އޭނާ އެ ކުންފުންޏާ ހަވާލުވިއިރު ކޮރަޕްޝަންގެ ސަބަބުން ކުންފުނީގެ ނަން ވަރަށް ބޮޑަށް ހަޑިވެފައިވާ ކަމަށާއި ނަމަވެސް ކުންފުނީގައި ހުރި މައްސަލަތައް ހައްލުކުރުމަށް ކުރި މަސައްކަތުން މިއަދު ކުންފުންޏަށް ފައިދާވާ ކަމަށެވެ.

ސައީދު އިތުރަށް ވިދާޅުވީ ރައްޔިތުންނަށް ދޭންޖެހޭ ހިދުމަތްތައް ދިނުމުގައި އެ ކުންފުނިން މިހާރު ބަލާނީ ވީހާވެސް ހާމަކަން ބޮޑު ގޮތެއްގައި މަސަކަތް ކުރުމަށް ކަމަށާއި ކޮރަޕްޝަން ނައްތާލުމަކީ ލިބުނު ކާމިޔާބީއެއް ކަމަށެވެ.

ރަށްރަަށުގެ ކަރަންޓުގެ މައްސަލަ ހައްލުކުރަން ޖަނެރޭޓަރުތައް ގެންދިއުމުގައި ގިނަ ދުވަސްތައް ނެގި ނަމަވެސް ކަން ކުރަން އޮންނަ އުސޫލުން ނޫން ގޮތަކަށް ކަންތައް ނުކުރާނެ ކަމަށް ސައިދު ވިދާޅުވި އެވެ. ކުންފުނީގައި ކޮރަޕްޝަނުގެ އެއްވެސް އަމަލެއް ހިނގާކަން އެނގޭ ނަމަ އެކަން އެންގުމަށް ވެސް އެދިވަޑައިގެންފައިވެ އެވެ.

އިތުރު ލިޔުންތައް

ފެނަކަ

މިލިޔުމާއި ގުޅޭ