އަންނަ ކައުންސިލް އިންތިހާބުގައި ވާދަކުރަން އަމީން ނިންމަވައިފި

އަންނަ ކައުންސިލުން އިންތިހާބުގައި ވާދަކުރައްވާނެކަން ހދ ކުމުންދޫ ކައުންސިލުގެ ރައީސް އަމީން މުހައްމަދު ހާމަކުރައްވައިފި އެވެ.

އަމީން ވަނީ ފާއިތުވި ދެ ދައުރުގައިވެސް ކުމުންދޫ ކައުންސިލްގެ ރައީސްގެ މަގާމުވެސް ފުރުއްވާފަ އެވެ. އަންނަ ލޯކަލް ކައުންސިލް އިންތިހާބުގައި ކުމުންދޫ ކައުންސިލަށް ވާދަކުރައްވާނެކަން އަމީން ހާމަކުރެއްވީ ރޭގައި އެވެ.

ރައީސް އިބުރާހިމް މުހައްމަދު ސޯލިހް ކުމުންދޫއަށް ވަޑައިގަތުމުން، އަމީން ސަލާމްކުރައްވާ ފޮޓޯއަކާއެކު ސޯޝަލް މީޑިއާގައި އަމީން ލިޔުއްވާފައިވަނީ އަންނަ ކައުންސިލް އިންތިހާބުގައި ރަށު ކައުންސިލްގެ ރައީސްކަމަށް ވާދަކުރައްވާނެ ކަމަށެވެ.

Maaiy Allah ge vaagifulhaa eku kuriyah oii Local Council inthikhaabu gai #HDh #Kumundhoo Rashu Council Raees kamahhh Alhugandu vaadha kurumahh ninnmaifeemeve.#LaamarukazeeRaajje#MaaleeBaaruverikannRashahh#LEC2020#Ameen2020 pic.twitter.com/LMyaZSEVYY

— Ameen Mohamed (@Ameenkumundhoo) December 14, 2019

އެމްޑީޕީއަށް ނިސްބަތްވެވަޑައިގަންނަވާ އަމީން ފާއިތުވި ދެ ދައުރުގައިވެސް ވަނީ އެ ކައުންސިލުންގެ ރައީސްކަން ކުރައްވާފަ އެވެ. އަންނަ ލޯކަލް ކައުންސިލް އިންތިހާބު އޮންނާނީ އަންނަ އަހަރުގެ އޭޕްރީލްމަހު އެވެ.