މިނިމަމް ވޭޖާގުޅޭ ދެ ދިރާސާއެއް މަޖިލީހުގެ އަންނަ ދައުރަށް ހުށައަޅަނީ

އެންމެ ކުޑަ އުޖޫރަ ނުވަތަ ''މިނިމަމްވޭޖް' 'އާއި ގުޅޭ ދެ ދިރާސާއެއް ލިބިފައިވާ ކަމަށާއި ދެ ރިޕޯޓް ކެބިނެޓަށް ހުށައެޅުމަށްފަހު ރައްޔިތުންގެ މަޖިލީހުގެ އަންނަ ދައުރަށް ހުށައަޅަން ހަމަޖެހިފައިވާ ކަމަށް އިކޮނޮމިކް މިނިސްޓަރު ފައްޔާޒު އިސްމާއީލް ވިދާޅުވެއްޖެއެވެ.

އިންޓަނޭޝަނަލް ލޭބާ އޯގަނައިޒޭޝަން (އައިއެލްއޯ) އާއި މުސާރައާއި އުޖޫރައާ ގުޅޭގޮތުން ލަފާދޭ ބޯޑުގެ ފަރާތުން ތައްޔާރުކޮށްފައިވާ ދެ ދިރާސާ މިނިސްޓަރު ފައްޔާޒަށް އަރުވާފައިވަނީ މިދިޔަ ހޯމަ ދުވަހު އެވެ.

Miadhu ILO in Adhi Musaara aai Ujoora aa gulheygothun lafaadhey Boardge faraathun thahyaarukohfaivaa Minimum Wage aa gulhey 2 dhiraasaa report vanee alhugandaa havaalukohfaeve. Mi 2 report Cabinet ah hushahelhumahfahu Majlis ge 2020 ge furathama dhaurah hushahalhan ninmaifeemeve. pic.twitter.com/0L2NKOJtwF

— Fayyaz Ismail (@faya_i) December 16, 2019

19 ވަނަ ރައްޔިތުންގެ މަޖިލީހުގެ ދެވަނަ ދައުރުގެ މަސައްކަތްތައް ނިންމަވާލައްވައި މެމްބަރުން ޗުއްޓީ އަށް ވަޑައިގެންނެވިއިރު ނުނިމިއޮތީ މިނިމަމްވޭޖް ބިލުގެ މަސައްކަތް އެކަންޏެވެ. އަދި މި މަސައްކަތްތައް އަންނަ އަހަރުގެ ކުރީކޮޅު ނިމޭނެ ކަމަށް އުއްމީދު ކުރައްވާ ކަމަށް ފައްޔާޒު ވަނީ މީގެ ކުރިން ވިދާޅުވެފައެވެ.

މިނިމަމްވޭޖް ކަނޑައެޅުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކަށް ވާއިރު ދުނިޔޭގެ މަސައްކަތްތެރިންގެ ދުވަހާ ދިމާކޮށް ރައީސް ވަނީ މަސައްކަތްތެރިންނަށް އެންމެ ކުޑަ އުޖޫރަ ކަނޑައަޅާނެ ގޮތާ މެދު ލަފާދޭނެ ކޮމިޓީއެއް ވެސް އެކުލަވާލާފައެވެ. އަދި އެ ބިލު ޑްރާފްޓު ކުރުމުގެ މަސައްކަތް ކުރުމަށް ކޮމެޓީން ދަނީ މަސައްކަތް ކުރަމުންނެވެ.