އުންމީދަކީ ސިޓީއެއްގެ ތަރައްގީ ކުޅުދުއްފުއްޓަށް އަވަހަށް ލިބިގެން ދިޔުން: ނާޒިމް

އުންމީދަކީ އަވަސް މުސްތަގުބަލެއްގައި ސިޓީއެއްގެ ތަރައްގީ ކުޅުދުއްފުއްޓަށް ލިބިގެން ދިޔުން ކަމުގައި އދ ދަނގެތީ ދާއިރާގެ މަޖިލިސް މެމްބަރު އަދި ކުރީ ޑިފެންސް މިނިސްޓަރު މުހައްމަދު ނާޒިމް ވިދާޅުވި އެވެ.

ނާޒިމް މިހެން ވިދާޅުވީ ކުޅުދުއްފުށި މިއަދުން ފެށިގެން ސިޓީއަކަށް ބަދަލުވުމާއި ގުޅިގެން މި ރަށުގެ ރައްޔިތުންނަށް މަރުހަބާ ފޮނުއްވާ ކުރެއްވި ޓްވީޓެއްގައެވެ.

ނާޒިމް ވިދާޅުވީ، ކުޅުދުއްފުށީ ސިޓީއެއްކަމުގައި ހަމަޖެހިގެން ދިޔުމުގެ މުނާސަބަތުގައި ރައްޔިތުންނަށް މަރުހާބާ ދަންނަވާ ކަމަށެވެ. އަދި އުންމީދަކީ ސިޓީއެއްގެ ތަރައްގީ އަވަސް ފުރުސަތެއްގައި ކުޅުދުއްފުއްޓަށް ލިބިގެން ދިޔުން ކަމުގައި ނަޒީމް ވިދާޅުވި އެވެ.

ހދ. ކުޅުދުއްފުށްޓަކީ ސިޓީއެއް ކަމުގައި ހަމަޖެހިގެން ދިއުމުގެ މުނާސަބަތުގައި ކުޅުދުއްފުށީގެ ލޮބުވެތި ރައްޔިތުންނަށް މަރުހަބާ ދަންނަވަން. އުންމީދަކީ ސިޓީއެއްގެ ތަރައްގީ އަވަސް ފުރުސަތެެެއްގައި ލިބިގެން ދިއުން.

— Col(rtd)Mohamed Nazim (@nazim7878) January 1, 2020

ނާޒިމްގެ މިނިސްޓަރުކަމުގައިވެސް ކުޅުދުއްފުއްޓާ ވަނީ ގާތްގުޅުމެއް ބާއްވާފަ އެވެ. އެގޮތުން ވަގުތީގޮތުން ހެލްތް މިނިސްޓަރުގެ މަގާމު ފުރުއްވިއިރު އެމަނިކުފާނު ވަނީ ކުޅުދުއްފުށީ ރީޖަނަލް ހޮސްޕިޓަލަށް ޒަމާނީ ފެންވަރުގެ ގިނަ މެޝިނަރީތައް ހޯދަދެއްވާފަ އެވެ.

ކުޅުދުއްފުށީ ސިޓީއަކަށް ވުމުން ބައެއް މަޖިލިސް މެމްބަރުންނާއި މިނިސްޓަރުން އަންނަނީ ކުޅުދުއްފުށީ ރައްޔިތުންނަށް މަރުހަބާ ކިޔަމުންނެވެ.