އޯޓްމީލް ފޭސް މާސްކް: މޫނު ތެޔޮވުމަށް ހައްލެއް

ގިނަ މީހުންނަކީ ގައިގެ ހަނގަޑަށް ވަރަށް ބަލައިގެން ކެއަރ ކޮށްގެން އުޅޭ މީހުންނެވެ. ވަކިން ހާއްސަކޮށް މޫނުމަތީގެ އުޖާލާކަމަށް ވަރަށް ފަރުވާތެރިވެ އެވެ. އެ ގޮތުން މޫނުމަތީގައި ބިއްސެ ނޫނީ ލަކުނެއްވެސް އިނދެއްޖެ ނަމަ ވަރަށް ކަންތަށް ބޮޑުވެ އެވެ.

އެހެން ކަމުން މިއަދު މި ބަލާލަނީ ހަންގަނޑު ތެޔޮވުމުގެ މައްސަލައަށް ހައްލެއް ގެނެސްދިނުމަށް އެހީވެދޭ ފޭސް މާސްކެއް ގޭގައި ތަޔާރުކޮށްލާނެ ގޮތެކެވެ.

ބޭނުންވާނެ ތަކެތި:

1 ބިހުގެ ގޮބޮޅި

1 މޭޒުމަތީ ސަމުސާ މާމުތް

1 މޭޒުމަތީ ސަމްސާ އޮލިވް އޮއިލް

2/1 ޖޯޑް އޯޓްމީލް

ތައްޔާރު ކުރާނެ ގޮތް:

ފުރަތަމަ މިކްސަރަކުން އޯޓްމީލް ކޮޅު ރަނގަޅަށް ހިމުންކޮށް މުގުރާލާށެވެ. އެއަށްފަހު އޯޓްމީލް، މާމުތް، އޮލިވް އޮއިލް އަދި ބިހުގެ ގޮބޮޅި ރަނގަޅަށް އެއްކޮށްލާށެވެ. ރަނގަޅަށް އެއްވުމުން އެ ހުރީ ފޭސް މާސްކް ތައްޔާރުވެ ފައެވެ. މޫނުގައި ރަނގަޅަށް އުނގުޅާލުމަށްފަހު 20-15 މިނިޓް ވަންދެން ބަހައްޓާލާށެވެ. ވަގުތު ހަމަވުމުން ތާފަނާ ފެނުން މޫނު ދޮވެލާފައި މޮއިސްޗަރައިޒް ކޮށްލާށެވެ.