ކުޅުދުއްފުށީ ކައުންސިލްގެ ރައީސް، ލަތީފްވެސް ކަޓައިފި

ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓް ދިނުމަށް ބޭއްވި ޕްރައިމަރީގައި ކުޅުދުއްފުށީ ކައުންސިލްގެ ރައީސް ކަޓައިފި އެވެ.

ކުޅުދުއްފުށީ ކައުންސިލްގެ ރައީސް އަބުދުލް ލަތީފް ހަސަން ކުރިމަތިލެއްވީ ކުޅުދުއްފުށީގެ އިރު ދެކުނު ދާއިރާގެ މެމްބަރު ކަމަށެވެ. އެ ދާއިރާގެ ޓިކެޓް ހޯދުމަށް ލަތީފާއެކު އިތުރު ދެ ބޭފުޅަކު ވަނީ ވާދަކުރައްވާފަ އެވެ.

އެތަނުން އެންމެ މަދުން ވޯޓް ލިބި ފުލަށް ދިޔައީ ލަތީފެވެ. އެދާއިރާ ކާމިޔާބުކުރެއްވީ އަލީ އަހުމަދެވެ.

ލަތީފްގެ އިތުރުން، ރާއްޖޭގެ ބޮޑެތި އެހެން އާބާދީތަކުގެ މޭޔަރުން މިއަހަރު ވަނީ ޕްރައިމަރީގައި ނާކާމިޔާބުވެފަ އެވެ.