ހަތަރު އަހަރުތެރޭ ހަ ރަށެއްގައި އެއާޕޯޓު އެޅުމަށް ހަމަޖެހިފައިވޭ: ރައީސް

ކުރިއަށް އޮތް ހަތަރު އަހަރުތެރޭ ހަ ރަށެއްގައި އެއާޕޯޓް އެޅުމަށް ހަމަޖެހިފައިވާ ކަމަށެ ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ރައްޔިތުން މަޖިލީހުގައި މިއަދު ރިޔާސީ ބަޔާން އިއްވަމުން ރައީސް ސޯލިހު ވިދާޅުވީ ކަނޑު މަގުންނާއި ވައިގެ މަގުން ދަތުރުކުރެވޭނެ، އިތުބާރު ހުރި ދަތުރުފަތުރުގެ ނިޒާމެއް ގާއިމުކުރުމަށް، ސަރުކާރުން ވަރަށް ބޮޑު ސަމާލުކަމެއް ދޭ ކަމަށެވެ.

އެގޮތުން ގައުމީ ތަރައްގީއާ ގުޅިފައިވާ އެންމެ މުހިންމު އެއް ކަމަކީ، ފަސޭހަ ދަތުރުފަތުރުގެ ނިޒާމެއް އޮތުން ކަމަށް ވިދާޅުވެ ރައީސް ވިދާޅުވީ ރާއްޖޭގެ ރަށްތައް ކަނޑު ދަތުރުފަތުރުގެ ލުއި ފަސޭހަ ނިޒާމަކުން ގުޅައިލުމުގެ ފުރަތަމަ ފިޔަވަހީގެ ދަށުން ހއ އާއި ހދ. އަދި ށ. އަތޮޅުގެ ރަށް ތަކަށް މުޅިން އައު ދަތުރު ތަކެއް ފެށުމަށް ތައްޔާރު ވަމުންދާ ކަމަށެވެ.

ރައީސް 6 ރަށެގައި އެއާޕޯޓު ގާއިމް ކުރައްވާނެ ކަމަށް ވިދާޅުވި ނަމަވެސް އެއީ ކޮން ރަށްތަކެއް ކަމައް ހާމައެއް ނުކުރައްވައެވެ.