އުތުރުގެ ބައެއް އަތޮޅުތަކުގެ ބިންގަނޑަށް ބިންހެލުމެއްގެ އަސަރުކޮށްފި އެވެ. ނަމަވެސް މި ލޮޅުމުގެ ސަބަބުން ނުރައްކަލެއް ކުރިމަތިވާނެ ކަމަށް ލަފާނުކުރެވޭނެ ކަމަށް މޫސުމާ ބެހޭ ގައުމީ އިދާރާއިން ބުނެފި އެވެ.
މެޓް އޮފީހުން ބުނީ މިރޭ ދަންވަރު އުތުރުގެ ބައެއް އަތޮޅުތަކުން ބިންގަނޑަށް ލޮޅުމެއް އައި ކަމުގެ ރިޕޯޓުތައް ވަނީ ލިބިފައި ކަމަށެވެ. އެގޮތުން ބެލިބެލުމުގައި ހަނިމާދޫގައި ގާއިމްކޮށްފައިވާ ބިންހެލުން ރިކޯޑު ކުރާ މީޓަރަށް ރާއްޖޭގެ ގަނޑިން ބުދަ ދުވަހުގެރޭ ދަންވަރު 1:47 ހާއިރު ލޮޅުމެއްގެ އަސަރުކޮށްފައިވާކަން ރިކޯޑްކުރެވިފަވާ ކަމަށް މެޓުން އޮފީހުން ބުނެ އެވެ. މީގެ ސަބަބުން ރާއްޖެއަށް ނުރައްކަލެއް ކުރިމަތިވާނެ ކަމަކަށް ލަފައެއް ނުކުރެވޭ ކަމަށް ވެސް މެޓް އޮފީހުން ބުނެ އެވެ.
— Maldives Meteorology (@MetMaldives) February 5, 2020
ބިންހެލުމުގެ އަސަރު ހއ. އިހަވަންދޫ، އުތީމް، ހޯރަފުށީގެ އިތުރުން ށ. އަތޮޅުގެ ބައެއް ރަށްތަކަށާއި ކުޅުދުއްފުށީ ސިޓީ އަދި ހދގެ އެހެން ބައެއް ރަށްތަކަށްވެސް ކޮށްފައިވާ ކަމަށެވެ.
