ޕީޕީއެމް ޕްރައިމަރީ: ހދ އަތޮޅު ކައުންސިލްގެ ރައީސްގެ ޓިކެޓް ބޮޑު ތަފާތަކުން އަބްދުލް ރައްޒާގަށް

ކުރިއަށް އޮތް ލޯކަލް ކައުންސިލް އިންތިހާބުގައި ޕީޕީއެމް ޕްރައިމަރީގައި ހދ އަތޮޅު ކައުންސިލްގެ ރައީސްކަމަށް ވާދަކުރެއްވި ދެ ކެނޑިޑޭޓުންގެ ތެރެއިން ބޮޑުތަފާތަކުން ޕީޕީއެމްގެ ޓިކެޓް އަބްދުއްރައްޒާގު އަޙުމަދު ކަށަވަރުކޮށްފި އެވެ.

މިއަދު ކުރިއަށްދިޔަ ޕީޕީއެމް ޕްރައިމަރީގައި ހދ. އަތޮޅު ކައުންސިލްގެ ރައީސްކަމަށް ކުރިމަތި ލެއްވި ކުޅުދުއްފުށީ، ޒަމްޒަމް/ ނިޒާރު މޫސާއާއި ވާދަކޮށް ވޯޓުލީ މެމްބަރުން ނިސްބަތުން ބޮޑު ތަފާތަކުން ކުޅުދުއްފުށީ، ގޭޖް(ކަންބުރު) އަބްދުއްރައްޒާގު މިވަނީ ހދ އަތޮޅު ކައުންސިލްގެ ރައީސްގެ ޓިކެޓް ކަށަވަރުކޮށްފަ އެވެ.

އެގޮތުން ޕްރައިމަރީގައި ކުޅުދުއްފުށީގައި ބެހެއްޓި ވޯޓުފޮއްޓަށް، ވޯޓްލީ 318 މެމްބަރުންގެ ތެރެއިން 262 ވޯޓް އަބްދުއްރައްޒާގަށް ލިބިފައިވާއިރު ނިޒާރު މޫސާއަށް ލިބިފައިވަނީ 48 ވޯޓެވެ. ބާތިލް ވޯޓްގެ ގޮތުގައި 8 ވޯޓްވަނީ ގުނާފައެވެ.

ކުޅުދުއްފުށީގައި ޕީޕީއެމްގެ ދަފްތަރުގައި 939 މެމްބަރުން ވޯޓްލުމުގެ ހައްގު ލިބިފައިވާ އިރު މިއަދު ކުޅުދުއްފުށީ ސިޓީގައި ކުރިއަށް ދިޔަ އެ ޕާޓީގެ ޕްރައިމަރީގައި ވޯޓްލާފައިވަނީ 573 މެމްބަރުންނެވެ. ބާތިލް ވޯޓްގެ ގޮތުގައި 20 ވޯޓްވަނީ ގުނާފަ އެވެ