އިތުރު މައްސަލަތަކެއްގެ ތަހުގީގަށް ކުރީގެ ރައީސް އަބްދުﷲ ޔާމީން ހާޒިރުވާން ފުލުހުން އިއްޔެ އަންގާފި އެވެ.
ޔާމީން އިތުރު މައްސަލަތަކެއް ތަހުގީގަށް ހާޒިރުވާން ފުލުހުން އިއްޔެ އަންގާފައިވާ ކަމަށް އެމަނިކުފާނުގެ ވަކީލުންގެ ޓީމުގައި ހިމެނިވަޑައިގަންނަވާ ޑރ. މުހައްމަދު ޖަމީލް އަހުމަދު ވަނީ ވިދާޅުވެފަ އެވެ.
ޖަމީލް ކުރެއްވި ޓްވީޓެއްގައި ވިދާޅުވީ، ޔާމީނަށް ކުރި ދައުވާ އަކީ ގާނޫނީ ބުރަދަނެއް ނެތް ސިޔާސީ ދައުވާއެއް ކަން އިސްތިއުނާފްގެ މައްސަލައިގެ ތެރެއިން ހާމަވާން ފެށުމުން އިތުރު މައްސަލަތަކެއްގެ ތަހުގީގަށް ޔާމީން ހާޒިރުވާން ފުލުހުން އިއްޔެ އަންގާފައިވާ ކަމަށެވެ.
Raees Yameen ge isthiunaafu ge therein Dhauvaa akee Qaanoonee buradhaneh nei siyaasee Dhauvaa eykan qaaim vumun,ithuru kanthah thakakah thahqeeqah haaziruvumah fuluhun iyye angaifi.@ibusolih ahareh veeiru kameh nuve fail vumun,RY dheke koafaa vaane kameh nei.Thikan nimeyne IA. pic.twitter.com/WwTPpZKVVd
— Mohamed Jameel Ahmed (@MJameelAhmed) February 25, 2020
މަނީ ލޯންޑްރިންގެ ކުށުގައި ޔާމީން ފަސް އަހަރަށް ޖަލަށްލުމަށާއި ފަސް މިލިއަން ޑޮލަރުން ޖޫރިމަނާ ކުރަން ކްރިމިނަލް ކޯޓުން ވަނީ ހުކުމްކޮށްފަ އެވެ. އެ ހުކުމް އިސްތިއުނާފް ކުރަން އެމަނިކުފާނުގެ ފަރާތްޕުޅުން ހުށަހެޅުއްވުމުން އެ މައްސަލައިގެ އަޑުއެހުންތައް ހައި ކޯޓުން މިހާރު ވަނީ ފަށައިފަ އެވެ.
އެކަމަކު ޔާމީން ފުލުހަށް ހާޒިރު ކުރަނީ ކޮން މައްސަލައަކާ ގުޅިގެން ކަމެއް އަދި ހާޒިރު ކުރަނީ ކޮން ވަގުތަކު ކަމެއް ހާމަކޮށްފައެއް ނުވެއެވެ.
ޔާމީންގެ އިސްތިއުނާފް މައްސަލަ ނިމެންދެން އެމަނިކުފާނު ކަފާލާތުގެ ދަށުން މިނިވަން ކޮށްދޭން ހައި ކޯޓުގައި އެދުނަސް، އެ ކޯޓުން ވަނީ އެފަދަ އަމުރެއް ނެރެދެވެން ނެތް ކަމަށް ނިންމައިފަ އެވެ.
