ޕީއެސްއެމް ގުރުއާން މުބާރާތުގެ އަތޮޅުތެރޭގެ އޮޑިޝަންތައް ކެންސަލްކޮށްފި

ޕީއެސްއެމް އިން ބާއްވަން ހަމަޖެހިފައިވާ ކުޑަކުދިންގެ ގުރުއާން މުބާރާތުގެ ކުޅުދުއްފުށީ، ފ. ނިލަންދޫ އަދި ފުވައްމުލަކު އޮޑިޝަން ކެންސަލްކޮށްފި އެވެ

އޮޑިޝަންތައް ކެންސަލްކޮށްފައި ވަނީ ކޮވިޑް-19 އާއި ގުޅިގެން ގިނަ މީހުން އެއްވެގެން ކުރިއަށް ގެންދާ ހަރަކާތްތައް މަޑުޖައްސާލުމަށް ކަމާއި ބެހޭ އިދާރާތަކުން އިރުޝާދު ދީފައިވާތީ ކަމަށް ޕީއެސްއެމްއިން ބުނެ އެވެ.

މިދިޔަ މަހު ފަހު ކޮޅު މާލޭގެ އޮޑިޝަންތައް ނިމިފައިވާއިރު ކެންސަލްކޮށްފައި ވަނީ މި މަސް ތެރޭގައި ބާއްވަން ހަމަޖެހިފައިވާ އޮޑިޝަންތަކެވެ.

ރާއްޖެއަށް ކޮވިޑް-19 އައުމުގެ ފުރުސަތު އޮތުމުން ރައްކާތެރި ކަމުގެ ފިޔަވަޅުތައް ސަރުކާރުން ދަނީ ވަރުގަދަ ކުރަމުންނެވެ. ގޮތުން ސްކޫލުތަކުގައި ހިންގޭ އިތުރު ހަރަކާތްތައްވެސް އެޑުއުކޭޝަން މިނިސްޓްރީން ވަނީ ހުއްޓާ ލާފައެވެ.