ކޮރޯނާގެ ސަބަބުން މިއީ މިނިމަމް ވޭޖް ކަނޑަޅަން އެންމެ ރަނގަޅު ވަގުތެއް ނޫން: ވޭޖް ބޯޑް

ކޮރޯނާ ވައިރަސްއާ ގުޅިގެން ރާއްޖޭގެ އިގްތިސޯދަށް އަސަރު ކުރާނެތީ، މިއީ މިނިމަމް ވޭޖު ކަނޑައެޅުމަށް އެންމެ ރަނގަޅު ވަގުތު ނޫން ކަމަށް މިނިމަމް ވޭޖް ބޯޑުގެ ރައީސާ، މަރިޔަމް ހާލިދާ ވިދާޅުވެއްޖެ އެވެ.

ހާލިދާ ވިދާޅުވީ އެ ބޯޑުގެ ޑިޒިޝަންތައް ނަގާގައި ވަނީ ކޮރޯނާ ވައިރަހުގެ ކުރިން ކަމަށާއި އެކަމުގެ ސަބަބުން ދުނިޔޭގެ އިގްތިސޯދަށްވެސް އަސަރު ކުރާ ކަމަށެވެ.

މިނިމަމް ވޭޖް ކަނޑައެޅުމާ ގުޅޭގޮތުން، ރައްޔިތުންގެ ހިޔާލު ހޯދުމަށް ރައްޔިތުން މަޖިލީހުން މިރޭ ބޭއްވި ބައްދަލުވުމުގައި ވާހަކަދައްކަވަމުން ހާލިދާ އިތުރަށް ވިދާޅުވީ ވައިރަހުގެ ސަބަބުން އިގްތިސާދަށް ކުރާ އަސަރުތަކަށް ސަރުކާރުންވެސް ރައްޔިތުންގެ މަޖިލީހުންވެސް ރިއާޔަތް ކުރަން އެދޭ ކަމަށެވެ.

ހާދިލާ އިތުރަށް ވިދާޅުވީ މިނިމަމް ވޭޖް ކަނޑައެޅުމުގެ މަސައްކަތް ކުރައްވާފައިވަނީ ވަޒީފާ ދޭ ފަރާތްތަކާއި ވަޒީފާ އަދާކުރާ ފަރާތްތަކަށް ހަމަހަމަ ކަމާއެކު ލިބޭ އަދަދެއް ކަނޑައެޅުމަށް ކަމަށެވެ.

މިނިމަމް ވޭޖެއްގެ ގޮތުގައި ކަނޑައަޅަން ބޯޑުން ހުށައަޅާފައި ވަނީ 6،400 ރުފިޔާ އެވެ.

މިނިމަމް ވޭޖް ކަނޑައެޅުމުގެ މަސައްކަތުގައި ކުރި ދިރާސާތަކުން ވަޒީފާ އަދާ ކުރާ މީހުންނަށް 8،600 އަކީ ދެވޭނެ އަދަދެއް ނޫން ކަމަށް ޔަގީންވި ކަމަށާއި އެހެންނަމަވެސް ރާއްޖޭގައި ދިރިއުޅުމުގެ ބޭނުންތައް ފުއްދުމަށް 8،600 ރުފިޔާ އަކީ ރަނގަޅު އަދަދެއް ނޫން ކަމަށ ހާލިދާ ފާހަގަ ކުރެއްވި އެވެ.

މި މަހުގެ 15 ވަނަ ދުވަހުގެ ކުރިން މިނިމަމް ވޭޖެއް ކަނޑައެޅެން ބޭނުންވާ ކަމަށް މިނިސްޓަރު ފައްޔާޒު ވަނީ ވިދާޅުވެފައި ވާއިރު

މަޖިލީހުގެ އިގްތިސާދީ ކޮމިޓީން ދަނީ މިނިމަމް ވޭޖާ ބެހޭގޮތުން އިކޮނޮމިކް މިނިސްޓްރީގެ ބޯޑުން ދިރާސާކޮށް އެކުލަވާލާފައިވާ ރިޕޯޓް އިތުރަށް ދިރާސާ ކުރަމުންނެވެ.

އެ ކޮމިޓީން ނިންމާފައި ވަނީ މި މަހުގެ 11 ގެ ކުރިން އެ ކަމުގައި ގޮތެއް ނިންމުމަށެވެ.