ޖަލާލުއްދީން ސްކޫލުގެ ކުޅިވަރު ކުރިއެރުވުމަށް މާއްޓޭ އެކަޑަމީން ބޮޑު އެހީއެއް

ކުޅުދުއްފުށީގައި ހިންގަމުން އަންނަ މާއްޓޭ އެކަޑަމީގެ ފަރާތުން ޖަލާލުއްދީން ސްކޫލަށް ހަތަރު ސެޓް ޖާރޒީ ހަދިޔާކޮށްފި އެވެ.

ޖަލާލުއްދީން ސްކޫލުގެ ހަތަރު ހައުސްގެ ޖޫނިއަރ ދަރިވަރުންނަށް ހަދިޔާކުރި މި ޖާރޒީ ސެޓްގައި ޖުމްލަ 72 ޖާރޒީ ހިމެނެ އެވެ. އެއީ ސެޓްގައި 18 ޖާރޒީ އެވެ.

ޖަލާލުއްދީން ސްކޫލުގައި ޕްރައިމަރީ ގުރޭޑްތަކަށް ކިޔަވައިދޭން ފަށާފައިވަނީ މިއަހަރު އެވެ.

މި ޖާރޒީ ސެޓްތައް ހަދިޔާކޮށްފައިވަނީ މިއަދު އެވެ. ޖަލާލުއްދީން ސްކޫލުގައި އޮތް ހަފްލާއެއްގައި މިތަކެތި ހަދިޔާކޮށްދެއްވީ ކުޅުދުއްފުށީ މާއްޓޭ އެކަޑަމީގެ އޮފިޝަލުންނެވެ. މިތަކެއްޗާ ހަވާލުވީ ސްކޫލުގެ ޕްރިންސިޕަލް އައިމިނަތު މުހައްމަދެވެ.

މާއްޓޭގެ އެކަޑަމީގެ އެންމެ މުހިންމު ބޭނުނަކީ އެ އެކަޑަމީން ނިކުންނަށް ކޮންމެ ކުއްޖަކީވެސް ރަނގަޅު އަހްލާގުގެ ކުދިންތަކަކަށް ހެދުން ކަމަށެވެ. އަދި ކުޅިވަރުގެ ދާއިރާގެ ރަނގަޅު އަހްލާގު ދަސްކޮށްދިނުން ކަމަށެވެ.

މާއްޓޭ ދުނިޔޭގައި ނެތަސް މާއްޓޭގެ ނަމުގައި އަބަދުވެސް މުޖުތަމައުއަށް ހިއްސާ ކުރުމަކީ އަބަދުވެސް ދެކޭ ހުވަފެނެކަމަށް އޭނާ ބުންޏެވެ.

މާއްޓޭ އެކަޑަމީ ކުޅުދުއްފުށީގައި ފަށާފައިވަނީ 2018 ވަނަ އަހަރު އެވެ. ފުޓްބޯޅައިގެ އިތުރުން އެ އެކަޑަމީން އަންނަނީ ތަފާތު އެކި ޕްރޮގުރާމުތައް ހިންގަމުންނެވެ.