އެމްއެންޔޫ ބްލޮކް މޯޑް ކިޔެވުންތައް ކެންސަލްކޮށްފި

ކޮވިޑް-19 އާއި ގުޅިގެން ޤައުމީ ޔުނިވާސިޓީ (އެމްއެންޔޫ) ގެ ބްލޮކްތައް ކެންސަލް ކޮށްފި އެވެ. ނުރައްކާތެރި ކޮވިޑް-19 ދިވެހިރާއްޖެ އިން ފެނިފައިވާއިރު މި ވައިރަސް ޖެހިގެން 6 މީހަކު ކަރަންޓީން ކޮށްފައި އެބަ ތިއްބެވެ.

މިއަދު އެމްއެންޔޫގެ ފެކަލްޓީ އޮފް ލޯ އެންޑް އިސްލާމިކް ސްޓަޑީސްއިން ބުނީ އެ ފެކަލްޓީގައި ބްލޮކް މޯޑް ގެ ކިޔެވުން ކެންސަލް ވެފައިވާ ކަމަށެވެ. އަދި ހާލަތަށް ރިޢާޔަތް ކޮށް ކެމްޕަސް ތަކަށް ދަތުރުކުރުމާއި ބްލޮކްތައް ކެންސަލް ކުރިކަން ހުރިހާ ބޭފުޅުންގެ މައުލޫމާތަށް ޓަކާ ދަންނަވާކަމަށް އެމްއެންޔޫއިން ބުނެއެވެ.

އެމްއެންޔޫއިން ވަނީ އެ ޔުނިވާސިޓީގެ ދަސްވެނިމުން ވެސް ވައިރަހާއި ގުޅިގެން ފަސްކޮށްފައި ވާއިރު ދަސްވެނިމުން ފަސްކޮށްފައި ވަނީ ރާއްޖޭގެ އެކި ހިސާބުތަކުން އެ ދަސްވެނިމުމަށް ދަރިވަރުން މާލެއަށް އައި ފަހުން އެންމެ ފަހު ވަގުތުގަ އެވެ. އެ ޔުނިވާސިޓީ އިން ބުނީ ދަސްވެނިމުން ބާއްވާނޭ ތާރީހެއް ފަހުން އަންގާނޭ ކަމަށެވެ.