އެކަކު އޮއިސޮލޭޓްކޮށް ކުރަމަތި ރިސޯޓް ވަގުތީގޮތުން ބަންދުކޮށްފި

ކުރަމަތި ރިސޯޓުގައި ހުރި ބިދޭސީއެއްގެ ފަރާތުން ކޮވިޑް 19 ގެ އަލާމާތަތްތައް ފެނުމުން އޭނާ އައިސޮލޭޝަނަށް ގެންދިޔުމުގެ މަސައްކަތް ފަށައިފި ކަމަށް އެޗްޕީއޭއިން ބުނެފި އެވެ.

ރިސޯޓު ވަގުތީ ގޮތުން ބަންދުކޮށް ކޮންޓެކްޓް ޓްރޭސިންގެ މަސައްކަތްވެސް ފަށާފައިވާ ކަމަށް އެޗްޕީއޭ އިން ބުންޏެވެ. އެ ރިސޯޓްތައް މިހާރު އޮތީ ލޮކްޑައުންގަ އެވެ.

ބަލީގެ އަލާމާތްތައް ފެނިފައި ވަނީ އެ ރިސޯޓަށް ޗުއްޓީ ހޭދަކުރުމަށް އައި ދެމަފިރިންގެ ތެރެއިން އެކަކުގެ ގައިން ކަމަށް އެޗްޕީއޭން ވަނީ ހާމަކޮށްފައެވެ.

ރާއްޖެއިން މިހާތަނަށް ކޮވިޑް-19 އަށް ޕޮޒިޓިވް ވެފައިވަނީ ހަ މީހެކެވެ. އެއީ ޅ. ކުރެއްދޫ ރިސޯޓުން ހަތަރު މީހަކާއި އއ. ބަތަލާ އިން ދެ މީހެކެވެ.

ރާއްޖެއިން މިހާތަނަށް ކޮވިޑް-19 އަށް ޕޮޒިޓިވް ވެފައިވަނީ ހަ މީހެކެވެ. އެއީ ޅ. ކުރެއްދޫ ރިސޯޓުން ހަތަރު މީހަކާއި އއ. ބަތަލާ އިން ދެ މީހެކެވެ.

މީގެ އިތުރުން އދ. ވެލިމަންދޫ ރިސޯޓުގައި މަސައްކަތްކުރާ ދިވެއްސެއްގެ ފަރާތުން ކޮވިޑް19 ގެ އަމާލާތްތައް ފެނިގެން އޭނާ އެކަހެރިކޮށް ޓެސްޓް ހެދުމުގެ މަސައްކަތް ކުރަމުންދާކަމަށް އެޗްޕީއޭ އިން މިއަދު ވަނީ ބުނެފަ އެވެ.