ކުރެއްދޫން އިތުރު މީހަކު ޕޮޒިޓިވް ވެ، ބަލި ޖެހުނު މީހުންގެ އަދަދު ދިހަޔަކަށް

ކުރެއްދޫ ރިސޯޓުން އިތުރު ބިދޭސީއެއް ކޮވިޑް-19 އަށް ފޮޒިޓިވްވެ، ރާއްޖޭއިން ބަލި ޖެހުނު މީހުންގެ އަދަދު ދިހަޔަކަށް އަރައިފި އެވެ.

އެޗްޕީއޭއިން ދެންމެ ކުރި ޓްވީޓެއްްގައި ބުނެފައިވަނީ ކުރެއްދޫ ރިސޯޓުން ޓެސްޓު ކުރި 10 މީހެއްގެ ތެރެއިން އެކަކު ބައްޔަށް ޕޮޒިޓިވް ވެފައިވާ ކަމަށާ އަދި އަނެއް 9 މީހުންގެ ޓެސްޓު ނަތީޖާ ނެގެޓިވް ކަމަށެވެ.

ކުރެއްދޫން އިތުރު މީހަކު ބައްޔަށް ޕޮޒިޓިވްވުމާއެކު ރާއްޖެއިން ކޮވިޑް-19 ޖެހިފައިވާ މީހުންގެ އަދަދު މިވަނީ 10 އަރާފަ އެވެ. ބައްޔަށް ފޮޒިޓިވް މީހާ ފަރުކޮޅުފުއްޓަށް ގެންދިޔުމުގެ މަސައްކަތް ކުރަމުންދަ ކަމަށެވެ.