މަކުނުދޫ މީމް ޖަމިއްޔާއިން މުއައްސަސާތަކަށް އަތްދޮންނަ ފުޅި ބަހައިފި

ކޮވިޑް-19 އިން ރައްކާތެރިވުމަށް ސިއްހީ މާހިރުން އެންމެ އިރުޝާދު ދެއްވާ އެއް ކަމަކީ އަތް ދޮވުމެވެ. އެހެންކަމުން އެކަމަށް ބާރު އެޅުމުގެ ގޮތުން ހދ. މަކުނުދޫ ޔޫތް މޫވްމެންޓް (މީމް ޖަމިއްޔާ) އާއި ހެޔޮ އެދޭ ފަރާތްތަކުން މަކުނުދޫގައި އަތްދޮންނަ ފުޅި ބަހައްޓައިފި އެވެ.

އެރަށުގައި ކުރިއަށްގެންދިޔަ މިހަރަކާތުގައި އަތްދޮންނަފުޅި ބަހާފައިވަނީ މަކުނުދޫގައި އާންމުކޮން މީހުން ހިދުމަތް ހޯދާ އިދާރާތަކާއި މިސްކިތްތަކުގަ އެވެ. އެގޮތުން މަކުނުދޫ ކައުންސިލް، ފެނަކަ ބްރާންޗް މަކުނުދޫ ހެލްތު ސެންޓަރ، ސުކޫލް ގެ އިތުރުން 3 މިސްކިތަކަށް ވަނީ އަތްދޮންނަ ފުޅި ފޯރުކޮށްދީފައެވެ.

ދުނިޔޭގެ ހަލުވިކަމާއި އެކު ފެތުރެމުންއަންނަ ކޮރޯނާ ވައިރަސް ނުވަތަ ކޮވިޑް-19 އަށް ރާއްޖެއިން 13 މީހުން ޕްޒިޓިވް ވެފައިވާއިރު ރަށްރަށުގައި އަންނަނީ މިކަމަށް ހޭލުންތެރިކުރުމަށް ތަފާތުގިނަ ހަރަކާތްތަކެއް ހިންގަމުންނެވެ.

އެގޮތުން މަކުނުދޫ، ހޯރަފުށީ އަދި ނޮޅިވަރަމްގައި ގާއިމްކޮށްފައިވާ ޓާސްކް ފޯސްއިން އަންނަނީ ގިނަ ހަރަކާތްތަކެއް ހިންގަމުންކަން ފާހަގަ ކޮށްލެވެ އެވެ.