އަންނަ ހަފުތާގައި ބޭންކްތަކުގެ ޚިދުމަތް ތިން ދުވަހު ދޭ ގޮތަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހަމަޖައްސައިފި އެވެ.
އެމްއެމްއޭ އިން ކުރި އިއުލާނެއްގައި ވަނީ އަންނަ ހަފުތާގެ ހޯމަ ދުވަހާއި އަންގާރަ ދުވަހު އިތުރުން ބުރާސްފަތި ދުވަހު ވެސް އެމްއެމްއޭ އާއި ބޭންކްތަކުގެ ޚިދުމަތް ދޭނެ ކަމަށެވެ.
ކޮވިޑް-19 އާ ގުޅިގެން ރައްކާތެރިކަމުގެ ފިޔަވަޅެއްގެ ގޮތުން ސަރުކާރު އޮފީސްތައް ބަންދު ކުރިތާ ދެ ހަފުތާ ވެފައިވާއިރު، އަންނަ ހަފުތާ ވެސް ބަންދުކުރަން ސަރުކާރުން މިހާރު ވަނީ ނިންމައިފަ އެވެ.
އެމްއެމްއޭއިން ބުނީ މިހާރެކޭ ވެސް އެއްގޮތަށް ހެނދުނު 9:30 އިން ފެށިގެން މެންދުރު 12:30 އާ ހަމައަށް ބޭންކްތަކުގެ ޚިދުމަތް ދޭނެ ކަމަށާއި އެމްއެމްއޭ އިން ވަކި ލާރި ބަލައިގަނެ ދޫކުރުމުގެ ޚިދުމަތް ހެނދުނު 9:30 އިން ފެށިގެން 11 ހަމައަށް ދޭނެ ކަމަށް ވެސް އެ އިއުލާނުގައިވެ އެވެ.
ކޮވިޑް-19 އާ ގުޅިގެން ސިއްހީ ކުއްލި ނުރައްކަލުގެ ހާލަތު އިއުލާންކޮށް ގިނަ ފިޔަވަޅުތަކެއް އަޅަމުން ދާއިރު މިއަދުން ފެށިގެން މާލެ ސަރަހައްދުގައި ކޮންމެ ދުވަހެއްގެ ހަވީރު 5 ކުން ރޭގަނޑު 8 އަށް މަގުތަކަށް މީހުން ނިކުތުމާއި އުޅަނދުތައް ދުއްވުން މަނާކޮށް އަދި ތިން މީހުންނަށް ވުރެ ގިނައިން މަގުމަތީގައި އުޅުންވެސް މިހާރު ވަނީ މަނާކޮށްފަ އެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
