އުލިގަމުން ޕޮޒިޓިވްވި މީހާ ކުޅުދުއްފުއްޓަށް އައި ކަމަށް ދެކެވޭ ވާހަކައަކީ ދޮގެއް: ޓާސްކް ފޯސް

ހއ އުލިގަމުން ޕޮޒިޓިވް މީހާ ކުޅުދުއްފުއްޓަށް އައި ކަމަށް ބައެއް އޮންލައިން ނޫސްތަކުގައި ރިޕޯޓްކޮށްފައިވާ ޙަބަރު ކުޅުދުއްފުށީ ޓާސްކް ފޯސް އިން ދޮގުކޮށްފި އެވެ.

ކޭއޯއަށް މައުލޫމާތު ދެއްވަމުން ކުޅުދުއްފުށީ ޓާސްކް ފޯސްގެ ޗެއާމަން އަހުމަދު ދާއޫދު ވިދާޅުވީ، އުލިގަމުން ޕޮޒިޓިވްވި މީހާ ކުޅުދުއްފުއްޓަށް އައިސްފައިނުވާ ކަމަށާއި ކުޅުދުއްފުއްޓަށް އައިސްފައިވަނީ އުލިމަގު މީހައާ ސީދާ ދިމާވެފައިވާ ހިރިމަރަދޫ މީހަކަށެވެ.

ކޮވިޑް-19 ގެ ނުރައްކާގެ ބިރުވެރިކަމާއެކު ކުޅުދުއްފުށި ލޮކްޑައުންކޮށް މިއަދު ވަނީ ކާފިއު ހިންގަން ފަށައިފަ އެވެ.