ރެޑްކްރެސެންޓުން ބިދޭސީނަށް އެހީވުމަށް ރިލީފް ފަންޑެއް ތައާރަފްކޮށްފި

ރާއްޖޭގައި ދިރިއުޅޭ ބިދޭސީންނަށް އެހީތެރިވުމަށް މޯލްޑިވްސް ރެޑް ކްރެސަންޓް (އެމްއާރުސީ) އިން ރިލީފް ފަންޑެއް ތައާރަފުކޮށްފިއެވެ.

މިކަން ހާމަކޮށް އެމްއާރުސީން ކުރި ޓުވީޓެއްގައިި ބުނީ ރިލީފް ފަންޑު ތައާރަފު ކޮށްފައިވަނީ އެ ޖަމިއްޔާގެ ކޮވިޑް-19 ރެސްޕޮންސް މަސައްކަތުގެ ތެރެއިން ކަމަށެވެ.

މިހާރު މި ފަންޑަށް ޑޮނޭޓް ކުރުމަށް ހުޅުވާލާފައިވާ ކަމަށާއި އެމްއާރުސީގެ ބީއެމްއެލް އަދި އިސްލާމިކް ބޭންކްގެ ދިވެހި އަދި ޑޮލަރު އެކައުންޓަށް ފައިސާ ޖަމާ ކުރެވޭނެ ކަމަށް އެމްއާރުސީން ބުނެފައިވެއެވެ.

ރާއްޖޭގައި ވެސް މިހާރު ހަލުވިކަމާއި އެކު ފެތުރެމުންދާ ބަލިމަޑުކަމުގައި ގިނައިން ޕޮޒިޓިވްވެފައި މިވަނީ ބިދޭސީނެވެ. ބިދޭސީ ގިނަ މަސައްކަތްތެރިން ވެސް ވަނީ ލޮކްޑައުންގެ ސަބަބުން ވަޒީފާ ގެއްލި ހާލުގައި ޖެހި މަގުމަތިވެފަ އެވެ.