ބާރުވަޔާއެކު ކުޅުދުއްފުށީ ނެރު ބައްތިތަކަށް ގެއްލުންވެއްޖެ

ރާއްޖޭގެ އެކި ސަރަހައްދުތަކަށް މިހާރު ކުރަމުންދާ ވިއްސާރާގައި ކުޅުދުއްފުށީ ލޯކަލް ބަނދަރުގެ ނެރު ބައްތި ވެއްޓިއްޖެ އެވެ.

މިރޭ ގަދަވަޔާއެކު އައި ވިއްސާރާގައި ނެރުގެ ރަތް ބައްތި ވެއްޓިފައިވާއިރު ފެހި ބައްތި ވަނީ އަރިއަޅާލާފައި އެވެ. އެހެންވުމުން ކުޅުދުއްފުއްޓަށް ދަތުރުކުރާ ފަރާތްތަކުން އެކަމަށް ސަމާލުވުމަށް ކައުންސިލުން އިލްތިމާސްކުރެ އެވެ.

ކުޅުދުއްފުށީ ކައުންސިލްގެ ރައީސް އަބުދުލް ލަތީފް ހަސަން ވިދާޅުވީ، ވިއްސާރާގައި ނެރު ބައްތިތަކަށް ގެއްލުންވެފައިވަނީ މިރޭ ކަމަށާއި ބައްތިތައް ނަގައި ރަނގަޅުކުރުމުގެ މަސައްކަތް މާދަމާ ފަށާނެ ކަމަށެވެ.

ލަތީފް ވިދާޅުވީ ކުޅުދުއްފުއްޓަށް ދަތުރު ފަށާފައިވާ ބޯޓްފަހަރަށް އެކަމަށް ސަމާލުވުމަށް އަންގަމުންދާނެ ކަމަށެވެ.

މިހާރު ކުރަމުންދާ ވިއްސާރާގައި މިރޭ އިރާކޮޅުން ފެށިގެން މިރޭ 11 ޖެހުމާ ހަމައަށްވެސް ކުޅުދުއްފުއްޓަށް ދިޔައީ ވަރަށް ބާރަދިޔައީ ވައިޖެހެމުންނެވެ.