ބޯޓް ކެޕްޓަން ނަރުދޫ ސިއްހީ މަރުކަޒަށް ދައްކަން ދިޔައީ ރޯގާ ޖެހިގެންނެވެ. ކޮވިޑްގެ އަލާމާތްތައް ފެންނާތީ އެ ރަށު ސިއްހީ މަރުކަޒުން އެދިގެން ވަނީ އޭނާގެ ސާމްޕަލް ނަގާ ޓެސްޓްކޮށްފަ އެވެ.

ކެޕްޓަން ކޯވިޑް-19އަށް ޕޮޒިޓިވްވުމާ ގުޅިގެން ޕްރައިމަރީ ކޮންޓެކްޓްވި 113 މީހުންގެ ތެރެއިން ނަރުދޫއަށް ނިސްބަތްވާ 11 މީހަކުވަނީ ކޯވިޑަށް ޕޮޒިޓިވްވެފައެވެ. އެރަށުން ވަނީ 52 މީހަކު ކޯވިޑަށް ޓެސްޓްކޮށްފައެވެ.

ނަމަވެސް ނަރުދޫގައި ކޮމިއުނިޓީ ސްޕްރެޑެއް ނެތްކަން ކަށަވަރު ކުރުމަށްފަހު އިއްޔެއިން ފެށިގެން އެރަށް އާންމު ހާލަތަށް ގެނެސްފައިވާ ކަމަށް ނޭޝަނަލް އިމަރޖެންސީ އޮޕަރޭޝަން ސެންޓަރުގެ ތަރުޖަމާން މުހައްމަދު މަބުރޫކް އަޒީޒް ވިދާޅުވި އެވެ.

އަމާޒު ބޯޓުގެ ކެޕްޓަން ޕޮޒިޓިވްވުމާއި ގުޅިގެން އެ ބޮޓުން ދަތުރުކުރި މީހުން ހިމެނޭ ހުރިހާ ރަށެއް މޮނިޓަރިންގ އަށް ގެނައެވެ. ނަމަވެސް ނަރުދޫ އާންމު ހާލަތަށް ބަދަލުކުރުމާއި އެކު އެ ރަށްތައް ވެސް މިހާރު އާންމު ހާލަތަށް ގެނެސްފި އެވެ.

އިތުރު ލިޔުންތައް

ކޮރޯނާ ވައިރަސް

ށ ނަރުދޫ

މިލިޔުމާއި ގުޅޭ