ހާލުގައި ޖެހިފައިވާ އާއިލާތަކަށް އެސްޓީއޯ އާއި މިފްކޯއިން އެހީވެއްޖެ

ކޮވިޑް-19 ގެ ސަބަބުން ދިރިއުޅުމުގެ ހާލަތަށް އަސަރުކޮށް، ހާލުގައި ޖެހިފައިވާ ފަރާތްތަކަށް އެސްޓީއޯ އާއި މިފްކޯ އިން އެހީތެރިކަން ފޯރުކޮށްދީފި އެވެ.

މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސަރވިސަސް މެދުވެރިކޮށް އެ ދެ ކުންފުނިން ފޯރުކޮށްދީފައިވާނީ މިވަގުތަށް ބޭނުންވާ ޒަރޫރީ ތަކެތި ކަމަށް ޖެންޑަރ މިނިސްޓްރީން ބުންޏެވެ.

ޖެންޑަރ މިނިސްޓްރީން ކުރި ޓްވީޓެއްގައި ބުނީ ލޮކްޑައުން ގެ މި ހާލަތުގައި ބޭނުން ޖެހިފައިވާ އާއިލާތަކަށް ޒަރޫރީ ކާބޯތަކެއްޗާއި ކާޑުގެ ބާވަތްތައް ފޯރުކޮށްދިނުމަށް އެސްޓީއޯއާއި މިފްކޯއިން އެހީތެރިކަން ފޯރުކޮށް އެ ދެކުންފުންޔަށް ޝުކުރުއަދާކުރާ ކަމަށެވެ.

Thank you @stoplc and @mifcomv for your generous support by donating staple food supplies for the families in need during this lockdown. We highly appreciate your kind initiative. pic.twitter.com/WxxCv9mPMG

— Ministry of Gender, Family and Social Services (@MoGFSSmv) June 3, 2020

ކޮވިޑް-19 ގެ ސަބަބުން މަގުމަތިވެ ހާލުގައިޖެހިފައިވާ މީހުންނަށް ޖެންޑަރ މިނިސްޓްރީން ވަނީ ވަގުތީ ބޯހިޔާވަހިކަން ފޯރުކޮށްދީފަ އެވެ.

ކޮވިޑް-19 ގެ ސަބަބުން ގިނަ އާއިލާތަކެއް ހާލުގައި ޖެހިފައިވާ އިރު މިފަދަ ކުންފުނިތަކުން ވެދޭ އެހީތެރިކަމަކީ އެ ފަދަ އާއިލާތަކަށް ލިބޭނެ ބޮޑު ހިތްވަރެކެވެ.