twitterviber whatsapp telegramfacebookyoutube instagram
20th April 2024

އުރީދޫ އާއި ފޭސްބުކް ގުޅިގެން ހިލޭ ބޭނުންކުރެވޭ ފޭސްބުކް ވަރޝަން އެއް ތައާރަފްކޮށްފި

ނަބީލާ އިސްމާޢީލް
Jun 11, 2020

އުރީދޫ މޯލްޑިވްސް އާއި ފޭސްބުކްގެ ޕާޓްނާޝިޕްގެ ދަށުން ހިލޭ ބޭނުންކުރެވޭ ފޭސްބުކް ވާޝަން، "ފޭސްބުކް ފްލެކްސް" މިއަދު ވަނީ ރާއްޖެއަށް ތައާރަފްކޮށްފައެވެ.

ދުނިޔޭގެ އެންމެ ބޮޑު އަދި އެންމެ މަގުބޫލު ސޯޝަލް ނެޓްވޯކިންގް ވެބްސައިޓް ކަމަށްވާ ފޭސްބުކް އާއި ގުޅިގެން އުރީދޫ ކަސްޓަމަރުންނަށް މި ޚިދުމަތް ތައާރަފް ކުރެވިފައިވަނީ އެކަކު އަނެކަކާ މުއާމަލާތްކޮށް ދުނިޔޭގެ އެކި ކަންކޮޅުތަކުގެ މުހިންމު ހަބަރުތަކާ ހުރިހާ ކަސްޓަމަރުންވެސް ގުޅުވާލަދިނުމުގެ ގޮތުންނެވެ.

އުރީދޫ މޯބައިލް ޑޭޓާގެ ހިދުމަތް ބޭނުންކުރައްވާ ކޮންމެ ފަރާތަކަށްވެސް، ހިލޭ ބޭނުންކުރެވޭ ފޭސްބުކް އަދި ފޭސްބުކް މެސެންޖާ ގެ "ފްރީ މޯޑް" ބަޓަންއަށް ފިތާލުމުން ހިލޭ ބޭނުންކުރެވޭނެއެވެ. މޯބައިލް ފޯނު ގެންގުޅުއްވާ ހުރިހާ ކަސްޓަމަރުންނަށް free.facebook.com މެދުވެރިކޮށް މިހިދުމަތް ބޭނުންކުރެވޭއިރު، އެންޑްރޮއިޑް ފޯނު ބޭނުންކުރައްވާ ފަރާތްތަކަށް ފޭސްބުކް އަދި ފޭސްބުކް މެސެންޖަރ އެޕްލިކޭޝަން މެދުވެރިކޮށް ފޭސްބުކްގެ ހިލޭ ވަރޝަން ބޭނުންކުރެވޭނެއެވެ. ފޭސްބުކް ފްލެކްސް ގެ ހިދުމަތާއިއެކު އާދައިގެ މޯބައިލް ފޯން ބޭނުންކުރާ ކަސްޓަމަރުންނަށްވެސް ފޭސްބުކް އަދި ފޭސްބުކް މެސެންޖާ ގެ ބޭސިކް ހިދުމަތް ފޯނު މެދުވެރިކޮށް ހިލޭ ބޭނުންކުރުމުގެ ފުރުސަތު ހުޅުވިގެންދާނެއެވެ.

"އަޅުގަނޑުމެން އެންމެންވެސް އިޖުތިމާއީ ގައިދުރުކަން ބަހައްޓާ، ގާތް މީހުންނާ ދުރުގައި ތިބެ، ކުރިމަތިލަމުން މިދަނީ ހީވެސްނުކުރާފަދަ ތަފާތު ދުވަސްތަކަކާ. މިފަދަ ނާޒުކު ދަނޑިވަޅެއްގައި އުރީދޫއިން އެންމެ އިސްކަމެއް ދީގެން މަސައްކަތް ކުރަމުން މިދަނީ މެދު ކެނޑުމެއްނެތި އިންޓަނެޓްގެ ހިދުމަތް ކަސްޓަމަރުންނަށް ފޯރުކޮށްދީ، އާއިލާ އާއި ރައްޓެހިންނާއި ދެމެދު އޮންނަ ގުޅުން ޑިޖިޓަލްކޮށް ބަދަހި ކުރުމުގެ މަގުފަހިކޮށް، ދުނިޔޭގެ އެކިކަންކޮޅުތަކުގެ މުހިންމު ހަބަރުތަކާ ގުޅުވާލަދިނުމަށް. ފޭސްބުކް ފްލެކްސްގެ ހިދުމަތާއިއެކު، ޑޭޓާ ބޭނުންކުރާވަރު އިތުރަށް ކޮންޓްރޯލް ކުރުމުގެ މަގުފަހިވެ، ޑޭޓާ ބެލެންސް ނެތިވެސް ފޭސްބުކް އަދި ފޭސްބުކް މެސެންޖަރގެ ބޭސިކް ހިދުމަތްތައް ބޭނުންކުރެވޭނެ." އުރީދޫ މޯލްޑިވްސް އެކްޓިން ޗީފް ކޮމަރޝަލް އޮފިސަރ، ހުސެން ނިޔާޒް ވިދާޅުވިއެވެ.

އުރީދޫ ކަސްޓަމަރުންނަށް ފޭސްބުކްގެ ފްރީ ވާޝަން، "ފޭސްބުކް ފްލެކްސް" މެދުވެރިކޮށް ޕޯސްޓްކޮށް، ޕޯސްޓްތަކަށް ލައިކްކޮށް، ކޮމެންޓްކޮށް އަދި ޓެކްސްޓް ބޭސްޑް ކޮންޓެންޓް މިހާރު ބްރައުޒް ކުރެވޭނެއެވެ. މީގެ އިތުރުން ފޭސްބުކް މެސެންޖަރ މެދުވެރިކޮށް ރައްޓެހިންނާއި އާއިލާގެ ހާލު އަހުވާލު ބަލާލާ މުޅިން ހިލޭ ޗެޓް ކޮށްލެވޭނެއެވެ. ފޮޓޯ އަދި ވީޑިއޯ ހިމެނޭ ޕޯސްޓްތައް ބަލާލުމަށް، ބޭނުންވާ ޕޯސްޓްއަށް ފިތާލުމުން ޑޭޓާއަށް ޗާރޖް ކުރެވޭނެ ކަމުގެ މެސެޖެއް ޕޮޕްވާނެ އެވެ. USE DATA' ' އަށް ފިތާލުމުން ފޭސްބުކް ގެ ފުލް ވަރޝަން އަށް ބަދަލުވެގެންދާނެއެވެ. ފޭސްބުކް ފްލެކްސްއިން ފުލް ވަރޝަން އަށް ބަދަލުކޮށްލުމުން، ގެންގުޅުއްވާ ޑޭޓާ ޕްލޭން ނުވަތަ ސޯޝަލް މީޑިއާޕްލޭންއިން އާދައިގެ މަތިން ޑޭޓާއަށް ޗާޖް ކުރެވިގެންދާނެއެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355