ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމްލަ މިހާތަނަށް 2003 އަށް އަރައިފި އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ޑޭޝްބޯޑު ތަފާސް ހިސާބުތައް ދައްކާގޮތުގައި ރާއްޖެއިން ކޮވިޑް ޖެހުނު ޖުމްލަ އަދަދު 2003 އަށް އަރާފައިވާއިރު މީގެ ތެރެއިން 1193 މީހުން ވަނީ ބަލިން ރަނގަޅުވެފަ އެވެ.
✳️ COVID-19 Case Updates
— Health Protection Agency (@HPA_MV) June 12, 2020
As of 06:00 PM
Confirmed an additional 27 cases of COVID-19 infections in Maldives
- 14 Maldivians
- 12 Bangladeshis
- 01 Indian
Total number of cases: 2,003 pic.twitter.com/iM1HCtrFel
އެހެން ކަމުން މިހާރު 800 މީހުން މިބައްޔަށް ފަރުވާހޯދަމުން އަންނައިރު އޭގެ ތެރެއިން 8 މީހަކަށް ފަރުވާދެނީ ހޮސްޕިޓަލުގައި އެޑްމެޓްކޮށްގެނެވެ. މި ބަލިޖެހިގެން 8 މީހަކު މިހާތަނަށް ރާއްޖެއިން ވަނީ މަރުވެފަ އެވެ.
ރާއްޖެއިން މިބައްޔަށް ޕޮޒިޓިވްވި މީހުންތެރޭގައި ގިނައީ ބިދޭސީންނެވެ. 1303 ބިދޭސީން ޕޮޒިޓިވްވެ، 700 ދިވެހިންނަށް މިބަލިޖެހިފައިވެ އެވެ.
ކަރަންޓީން ފެސިލީތަކުގައި 346 މީހަކު ބެހެއްޓިފައިވާއިރު އައިސޮލޭޝަންގައި 734 މީހަކު ވަނީ ބެހެއްޓިފަ އެވެ.
