އޮންލައިން ކޮންފަރެންސުން ޝަރިއަތް ކުރެވޭ ބިލް ފާސްކޮށްފި

ހާއްސަ ހާލަތްތަކުގައި ވީޑިއޯ ކޮންފަރެންސް މެދުވެރިކޮށް ޖިނާއީ މައްސަލަތަކުގެ މައްސަލަތަކުގެ ޝަރީއަތްތައް ކުރެވޭ ގޮތަށް ޖިނާއީ އިޖުރާއަތުގެ ގާނޫނަށް އިސްލާހު ގެނައުމުގެ ބިލް ރައްޔިތުންގެ މަޖިލީހުން މިއަދު ފާސްކޮށްފި އެވެ.

އޮންލައިން ކޮންފަރެންސްކޮށް ޝަރީއަތްތައް ކުރެވޭ ގޮތަށް ޖިނާއީ އިޖްރާއާތުގެ ގާނޫނަށް އިސްލާހު ގެންނަން ސަރުކާރުގެ ފަރާތުން ފޮނަދޫ ދާއިރާގެ މެންބަރު މޫސާ ސިރާޖު ހުށަހެޅުއްވި ބިލް މަޖިލީހުގެ ޖުޑިޝަރީ ކޮޮމެޓީން ފާސްކުރީ ބިލަށް ބޮޑެތި ބަދަލުތަކެއް ގެނައުމަށް ފަހު އެވެ. އެ ބިލް މިހާރު އޮތްގޮތުން ވީޑިއޯ ކޮންފަރެންސްކޮށް ޝަރީއަތްތައް ކުރެވޭނީ ކުއްލި ނުރައްކަލުގެ ހާލަތު ސިއްހީ ކުއްލި ނުރައްކަލުގެ ހާލަތާއި ކާރިސާގެ ހާލަތްތަކުގައި އެކަންޏެވެ.

ބިލު ފާސްކުރީ 58 މެންބަރުންގެ ވޯޓުންނެވެ. ބިލު ފާސްކުރަން ނުފެންނަ ކަމަށް އެއް މެންބަރަކު ވޯޓު ދެއްވި އެވެ.

ބިލު މިހާރު އޮތް ގޮތުން ހާއްސަ ހާލަތްތަކުގައި އޮންލައިން ޝަރީއަތްތައް ކުރިއަށް ގެންދެވޭނީ ވަކި ބާވަތްތަކުގެ އަޑުއެހުންތަކެވެ. އެއީ ބަންދާ މެދު ގޮތެއް ނިންމުމުގެ އަޑުއެހުންތަކާއި އިބްދިތާއީ އަޑުއެހުންތައް ފިޔަވައި އެހެން އަޑުއެހުންތަކެވެ. އެ އަޑުއެހުންތައް ކުރިއަށް ގެންދިއުމުގައި ދައުވާ ލިބޭ މީހާގެ ރުހުން ހޯދަން ވެސް ލާޒިމެވެ.

ނަމަވެސް ކުށަށް އިއުތިރާފްވާ މީހުންގެ މައްސަލަތަކާއި ސިިކުނޑީގެ އުނިކަމެއް ހުންނަ މީހުންގެ މައްސަލަތައް އެއްވެސް ހާލަތެއްގައި ވީޑިއޯ ކޮންފަރެންސްކޮށް ކުރިއަށް ގެންދިއުން އެ ބިލު މަނާ ކުރެ އެވެ.

އަދި ކުށަށް އިއުތިރާފްވާ މީހުންގެ މައްސަލަތަކާއި ސިިކުނޑީގެ އުނިކަމެއް ހުންނަ މީހުންގެ މައްސަލަތައް އެއްވެސް ހާލަތެއްގައި ވީޑިއޯ ކޮންފަރެންސްކޮށް ކުރިއަށް ގެންދިއުން އެ ބިލު މަނާ ކުރެ އެވެ.