ކޮވިޑްގެ ބަލި މީހަކު ރާއްޖެއިން ފެނުނުތާ 116 ދުވަސްވެފައިވާއިރު މިހާތަނަށް 50،000 ވުރެ ގިނަ މީހުން އެ ބައްޔަށް ޓެސްޓް ކޮށްފައިވާ ކަމަށް އެޗްޕީއޭގެ ތަފާސް ހިސާބުތަކުން ދައްކައިފި އެވެ.
މިއަދާ ހަމައަށް 51،576 މީހެއްގެ ސާމްޕަލް ވަނީ ނަގާފަ އެވެ. އޭގެ ތެރެއިން ނަތީޖާ ނުލިބި ވަނީ 755 ސާމްޕަލްއެއްގެ އެވެ. ކޮވިޑް-19 އަށް ރާއްޖެއިން މިހާތަނަށް ޕޮޒިޓިވްވެފައި ވަނީ 2,382 މީހުނެވެ. އަދި މިއަދު އެކަނިވެސް 1،200 ވުރެ ގިނަ ސާމްޕަލް ނަގާފައި ވެއެވެ.
ކޮވިޑްގެ ބަލި މީހުން ފުރަތަމަ ފެންނަން ފެށި ދުވަސްކޮޅު ޓެސްޓް ކުރަމުން ދިޔައީ ހަމައެކަނި އަލާމާތްތައް ހުންނަ މީހުނެވެ. އެހެން ކަމުން ރާއްޖޭގައި ކޮވިޑްގެ ބަލިމަޑުކަން އޮތް ގޮތުގެ ހަގީގީ އަދަދުތައް ނޭނގޭ ކަމަށް ސިއްހީ މާހިރުން ވިދާޅުވަމުން ގެންދެވި އެވެ. ފަހުން މަގުމަތިން ވެސް ގިނަ ބައެއްގެ ސާމްޕަލް ނަގާ ޓެސްޓް ކުރަން ފެށިއެވެ. އަދި ބަލީގެ ނުރައްކާ ބޮޑު އުމުރުފުރާތަކަށް ހާއްސަ ކޮށްގެން ވެސް ޓެސްޓް ކުރުމުގެ މަސައްކަތް ވަނީ ކޮށްފަ އެވެ.
ލޮކްޑައުންގެ ހާލަތަށް ލުއި ދިން ނަމަވެސް އަދިވެސް ކޮންމެ ދުވަހަކު ގިނަ އަދަދެއްގެ މީހުންގެ ސާމްޕަލް ދަނީ ނަގަމުންނެވެ.
ރާއްޖޭގައި ކޮވިޑަށް ޓެސްޓް ކުރަނީ އައިޖީއެމް ހޮސްޕިޓަލުންނާއި، އޭޑީކޭގެ އިތުރުން ޕޮލިސް ލެބްގައެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
