ކޮރަޕްޝަނާއި ވައްކަމުގެ މައްސަލަ ބަލާ ކޮމިޝަނުގެ ރިޕޯޓް ލިބިއްޖެ: ރައީސް

ކޮރަޕްޝަނާއި ވައްކަމުގެ ބޮޑެތި މައްސަލަ ބަލުމަށް ގާއިމުކުރި ރިޔާސޯ ކޮމިޝަނުން ތައްޔާރުކުރި ރިޕޯޓް ލިބިފައިވާ ކަމަށާއި، ރިޕޯޓާއި ގުޅިގެން ކުރަން ޖެހޭ ކަންކަން ކުރަމުން އަންނަ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެ އެވެ.

ރައީސް ސޯލިހު ޓްވީޓް ކުރައްވައި މިއަދު ވިދާޅުވީ އެ ކޮމިޝަނުން ތައްޔާރުކުރި ރިޕޯޓް ލިބިފައިވާ ކަމަށައި ރިޕޯޓާއި ގުޅިގެން ކުރަން ޖެހޭ ކަންކަން ކުރަން ފަށާފައިވާ ކަމަށެވެ.

ކޮރަޕްޝަނާއި ވައްކަމުގެ ބޮޑެތި މައްސަލަތައް ބެލުމަށް ޤާއިމުކުރި ރިޔާސީ ކޮމިޝަނުން ތައްޔާރުކުރި ރިޕޯޓު އެކޮމިޝަނުން ވަނީ އަޅުގަނޑަށް ހުށަހަޅާފަ. ރިޕޯޓާ ގުޅިގެން ކުރަންޖެހޭ ކަންކަން އަޅުގަނޑު ކުރަން ފަށައިފިން.

— Ibrahim Mohamed Solih (@ibusolih) July 23, 2020

އެސެޓް ރިކަވަރީ ކޮމިޝަނުން ބަލަނީ 2012 އިގެ ޖެނުއަރީ ފެށިގެން ރައީސް އަބްދުﷲ ޔާމީންގެ ސަރުކާރުގެ ނިމެންދެން ހިނގާފައިވާ ހިޔާނާތުގެ މައްސަލަތަކެވެ.

އެ ކޮމިޝަނުން ހިންގާ އެންމެ ބޮޑު ތަހުގީގަކީ، މިފަހުން ރާއްޖޭގައި ހިނގި އެންމެ ބޮޑު ކޮރަޕްޝަންގެ މައްސަލަ އެމްއެމްޕީއާރުސީގެ ބޮޑު ހިޔާނާތުގެ މައްސަލައިގެ ތަހުގީގެވެ.