އުރީދޫ އެމްފައިސާ ބޭނުންކޮށްގެން 3000 ރުފިޔާ ހޯދުމުގެ ފުރުސަތު

އުރީދޫގެ ޑިޖިޓަލް ވޮލެޓް، އެމްފައިސާ އިން އީދުތެރޭގައި ފައިސާ ޓްރާންސްފާ ކުރުމުން 3000ރ. ލިބޭ އޮފާއެއް ފަށައިފި އެވެ.

އުރީދޫ މޯލްޑިވްސް އިން ބުނީ މި މަހު ތިނެއްގެ ނިޔަލަށް ކުރިއަށްގެންދާ މި އޮފާގެ ދަށުން އެމް-ފައިސާ ފައިސާ ވޮލެޓަށް 50 ރުފިޔާ އަށް ވުރެ މަދު ނޫން އަދަދެއްގެ ފައިސާ ޓްރާންސްފާ ކުރާ ފަރާތްތަކުގެ ތެރެއިން ނަސީބުވެރި ތިން ފަރާތަކަށް 3000ރ ލިބޭނެ ކަމަށެވެ.

އުރީދޫ ޑިޖިޓަލް މަނީ ހިދުމަތުގައި ހިމެނޭމ އެމްފައިސާ "ސެންޑް މަނީ" ފީޗާއަކީ އެއް ވޮލެޓުން އަނެއް ވޮލެޓައް އިތުރު ޗާޖަކާނުލާ ފައިސާ ޓްރާންސްފާ ކޮށްލެވޭ ހިދުމަތެކެވެ. މި ހިދުމަތް ބޭނުން ކޮށްގެން އީދު ތަހުނިޔާ އާއިއެކު ދުރުގައި ތިބި އާއިލާގެ މެމްބަރުންނަށް އަދި ރައްޓެހިންނަށް އީދު ހަދިޔާއެއް ވެސް ފޮނުވާލެވޭނެ އެވެ.

އެމްފައިސާ ވޮލެޓް މެދުވެރިކޮށް ކައްކާ ގޭހަށް އޯޑަރުކޮށް ފައިސާ ދެއްކެ އެވެ. އުރީދޫ ބިލްތަކާއި ކަރަންޓު އަދި ފެން ބިލަށް ފައިސާ ދެއްކުމާއި ރެސްޓޯރަންޓްތަކާއި ފިހާރަތަކަށް ފައިސާ ދެއްކުމުގެ އިތުރުން ކެންސާ ސޮސައިޓީ، މޯލްޑިވްސް ޑެފް އެސޯސިއޭޝަން، ކުޑަކުދިންގެ ހިޔާ އަދި ފިޔަވަތި އަށް ފައިސާގެ އެހީތެރިކަން ފޯރުކޮށްދެވޭނެއެވެ.

ބީއެމްއެލް، އެސްބީއައި އަދި އެމްއައިބީ އިންޓަރނެޓް ބޭންކިން މެދުވެރިކޮށް އެމް ފައިސާ ޑިޖިޓަލް ވޮލެޓްއަށް ފައިސާ ޖަމާކުރެވޭނެއެވެ.