twitterviber whatsapp telegramfacebookyoutube instagram
4th April 2025

ނޮޅިވަރަމާއި މަކުނުދޫ އަދި ފިނޭއަށް އަރައި ފޭބުން މަނާކޮށްފި

ނަބީލާ އިސްމާޢީލް
Aug 3, 2020

ކޮވިޑް-19 އަށް ޝައްކު ކުރެވޭ އަލާމާތްތަކެއް ހުރި ބަޔަކު ފެނިގެން އުތުރުގެ 3 ރަށެއް މޮނިޓަރިން އަށް ގެނެސްފި އެވެ. ހެލްތް ޕްރޮޓެކްޝަން އެޖެންސީ (އެޗްޕީއޭ)އިން މިއަދު މޮނިޓަރިންގެ ހާލަތަށް ގެނެސްފައިވަނީ ހދ. ނޮޅިވަރަމާއި ހދ.ފިނޭގެ އިތުރުން މަކުނުދޫ އެވެ.

އެޗްޕީއޭއިން މި 3 ރަށްވެސް މޮނީޓަރިންގެ ހާލަތައް ގެނެސްފައިވަނީ މިއަދު އެވެ. އެޗްޕީއޭއިން ބުނީ މި 3 ރަށުގައިވެސް މިވަގުތު ތިބި ބައެއް މީހުންގެ ކިބައިން ކޮވިޑް-19 އަށް ޝައްކު ކުރެވޭ އަލާމާތްތަކެއް ފެނުމުން ސިއްހީ ގޮތުން އިތުރަށް ބަލަންޖެހޭ ކަންކަން ބެލުމަށް ރަށް މޮނިޓަރިންއަށް ލެވިފައިވާ ކަމަށެވެ.

އެހެން ކަމުން މި ރަށްތަކުގެ ތިބި ފަރާތްތަކުން އެޗްޕީއޭއިން ވަކިގޮތެއް އަންގަންދެން ރަށުން ފޭބުމާއި އަދި ރަށައް އެރުމަކީވެސް މަނާކަމެއް ކަމަށެވެ.

އުތުރުގެ ބައެއް ރަށްތަކުގެ ތެރެއިން މާލެއާ ދެމެދު ދުއްވާ މުދާ އުފުލާ ބޯޓުތަކުގެ ފަޅުވެރިން ޕޮޒިޓިވްވެ ރަށްތަކަށް ބަލި ފެތުރިދާނެ ކަމުގެ ބިރު ވަނީ ބޮޑުވެފަ އެވެ.

މިވަގުތު މާލެ ސަރަހައްދުގެ އިތުރުން އިތުުރު ރަށް ތަކުގައި އެކްޓިވް ކޭސްތައް ވަނީ ފާހަގަވެފައެވެ. އެ ރަށްތަކަކީ، ހއ. ކެލާ، ހއ. އިހަވަންދޫ، ބ. އޭދަފުށި، ބ. ތުޅާދޫ، ބ.ހިތާދޫ، ޅ. ކުރެންދޫ، ޅ. ހިންނަވަރު، ކ. މާފުށި، ވ. ފުލިދޫއެވެ. މީގެ އިތުރުން ސޮނޭވާ ޖާނީ ރިސޯޓުން ވެސް އެކްޓިވް ކޭސް އެއް ވަނީ ފާހަގަވެފައެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355