ކުޅުދުއްފުށީގައި ފެންބޮޑުވެ ހަތަރު ސަރަހައްދެއްގައި ޕަމްޕް ޖަހައިފި

ރާއްޖޭގެ އުތުރަށް ކުރަމުންގެންދާ ވިއްސާރާގައި މެދު ނުކެނޑި ކުޅުދުއްފުއްޓަށް ބޯކޮށް ވާރޭ ވެހި ފެންބޮޑުވެ ފެންހިނދުމުގެ މަސައްކަތް ފަށައިފި އެވެ.

އިއްޔެ ރެއިންފެށިގެން ކުޅުދުއްފުއްޓަށް ވެހުނު ވާރޭގައި ފެންބޮޑުވުމުގެ ސަބަބުން ޕަމްޕް ޖަހައިގެން ފެން ހިންދުމުގެ މަސައްކަތް ކުރިއަށް ގެންދަނީ ފާހި ސަރަހައްދާއި މަޑިވަރު ސަރަހައްދާއި ނެރު ސަރަހައްދާއި ނަޖަފްގެ ސަރަހައްދުގަ އެވެ.

☎️ 🚨ކުޅުދުއްފުއްޓަށް މިހާރު ކުރަމުން ގެންދާ ވިއްސާރާގައި ދިމާވެދާނެ ފެންބޮޑު ވުމުގެ ހާދިސާއަކަށް ތައްޔާރު ވުމުގެ ގޮތަުން އިމަރޖެންސީ އޮޕޮަރޭޝަން ސެންާޓަރެއް ވަނީ ޤާއިމް ކުރެވިފައި

⛈👩‍🚒ފެންބޮޑުވެ އެހީތެރިކަމަށް ބޭނުން ވެއްޖެނަމަ 6527178އަށް ގުޅުއްވުން އެދެން.

— Kulhudhuffushi Council (@KfCityCouncilmv) August 9, 2020

ކުޅުދުއްފުށީ ކައުންސިލާއެކު ފެންހިންދުމުގެ މަސައްކަތުގައި އެމްއެންޑީއެފްގެ އޮބްޒިލަރީ ފަޔަރ މަނުން އާއި ޕަބްލިކް ވޯކްސް، ރެޑްކްރެސެންޓް، ޕޮލިސް، ކޭޕީއެލް ދަނީ މަަސައްކަތް ކުރަމުންނެވެ.

ކުޅުދުއްފުށީ ކައުންސިލްގެ ރައީސް ކޭއޯއަށް ވިދާޅުވީ މިހާތަނަށް 6 ގެއެއްގެ ގޯތިތެރޭގައި ފެންބޮޑުވެ އެހީތެރިކަން ފޯރުކޮށްދީފައިވާ ކަމަށެވެ. އެގޮތުން ގޭތެރެއަށް ފެނުގެ އަސަރު ނުކުރާނެ ގޮތަށް ޖައްސަން ވެލި ބަސްތާ ފޯރުކޮށްދެވިފައިވާނެ ކަމަށެވެ.

ކުޅުދުއްފުއްޓަށް ރޭ 9:30 ހާއިރުން ފެށިގެން މިއަދު މެންދުރު 13:00 ޖަހަންދެން މެދުނުކެނޑި ބޯކޮށް ވަނީ ވާރޭ ވެހިފަ އެވެ. ބޯކޮށް ވާރޭވެހި ވައިގަދަވާނެ ކަމަށް ލަފާކޮށް ހއ. އަތޮޅުން ލ.އަތޮޅަށް ވަނީ ވައިޓް އެލާޓް ނެރެފަ އެވެ.