އިއްޔެ އެންމެ ގިނައިން ވާރެ ވެހުނީ ކުޅުދުއްފުއްޓަށް

އިއްޔެ ރާއްޖެއަށް ކުރި ވިއްސާރާގައި އެންމެ ގިނައިން ވާރެ ވެހިފައިވަނީ ކުޅުދުއްފުއްޓަށް ކަމަށް ގައިމީ މޫސުމާއި ބެހޭ އިދާރާއިން ބުނެފިއެވެ.

އެ އިދާރާއިން އިން ވަނީ އިއްޔެ ހެނދުނު 8 ން މިއަދު ހެނދުނު 8 އަށް ރާއްޖޭގެ އެކި ހިސާބުތަކަށް ވާރެ ވެހުނު މިންވަރުގެ ތަފްސީލް ހާމަކޮށް ގްރާޕެއް ނެރެފައެވެ.

ގްރާޕުން ދައްކާ ގޮތުގައި ކުޅުުދުއްފުއްޓަށް 87.8 މިލިމީޓަރުގެ ވާރެ ވެހިފައިވާއިރު ދެން އެންމެ ގިނައިން ވާރެ ވެހުނު ށ ފުނަދޫއަށް ވަނީ 55.4 މިލިމީޓަރުގެ ވާރެ ވެހިފައެވެ. މީގެ އިތުރުން ހއ ކެލާއަށް ވަނީ 50.5 މިލިމީޓާރުގެ ވާރެ ވެހިފައެވެ.

މެޓު އޮފީހުން ހާމަކުރާ ގޮތުގައި މިއަދުވެސް ރާއްޖޭގެ އެކި ހިސާބުތަކަށް ގުގުރުމާއެކު ވިއްސާރަ ކުރާނެ އެވެ. އަދި ދިޔަވަރު ބޮޑުވާ ގަޑިތަކުގައި މެދުރާއްޖެތެރެއާއި ދެކުނުގެ ބައެއް ރަށްތަކަށް އުދައިގެ އަސަރު ކުރުން އެކަށީގެންވާ ކަމަށާއި ރާޅުގެ އުސްމިން ހުންނާނެ ކަމަށް ލަފާކޮށްފައިވަނީ 4-6 ފޫޓުގައެވެ.