ކާގޯފެރީ މެދުވެރިކޮށް ދުބާއީ އިންވެސް މުދާ އެތެރެކުރެވޭނެ: ޝިފާއު

ކޮޗިން ކާގޯފެރީ މެދުވެރިކޮށް ދުބާއީ އިންވެސް ސީދާ ކުޅުދުއްފުއްޓަށް މުދާ އެތެރެކުރެވޭނެކަމަށް އިހަވަންދޫ ދާއިރާގެ މެމްބަރު މުހައްމަދު ޝިފާއު ވިދާޅުވެއްޖެ އެވެ.

ސަރުކާރުގެ ވައުދުގެ ތެރޭގައި ހިމެނޭ ކޮޗިން ކުޅުދުއްފުށީ ކާގޯފެރީގެ ހިދުމަތް ފަށާފައިވަނީ އިއްޔެ އެވެ. އެގޮތުން އިއްޔެ ވަނީ ފުރަތަމަ ކާގޯފެރީ ކުޅުދުއްފުށީގައި ބަނދަރުކޮށްފައި އެވެ.

ޝިފާއު ކުރެއްވި ޓްވީޓެއްގައި ވިދާޅުވީ، ކޮޗިން ފެރީ މެދުވެރިކޮށް ދުބާއީ އިންވެސް ސީދާ ކުޅުދުއްފުއްޓަށް މުދާ އެތެރެކުރެވޭނެ ކަމަށެވެ. ޝިފާއު އެހެން އެ ވިދާޅުވީ ކޮޗިން ބަނދަރަކީ އިންޑިޔާގެ އެންމެ ބާރުބޮޑު އަދި ބައިނަލް އަގްވާމީ އެންމެ ގިނަ ހަރަކާތްތަކެއް ހިނގައި ދުނިޔެއާއި ގުޅިފައިވާ ބަނދަރަކަށް ވާތީ އެވެ.

އިންޑިއާއިން ކުޅުދުއްފުއްޓަށް ފެށިގެން މިދިޔަ ކާގޯ ފެރީ މެދުވެރިކޮށް ދުބާއީ އިންވެސް ސީދާ ކުޅުދުއްފުއްޓަށް މުދާ އެތެރެކުރެވޭނެ. ހުޅުވިގެން މިދާދޮރުތަކަކީ އުތުރުގެ އިޤުތިސާދަށް އާރޯކަން ގެނުވަާނެ ދޮރުތަކެއް.
Importing cargo Dubai to Kulhudhufushi will boost Thiladhunmathi economy pic.twitter.com/wRFiCvl2Es

— MP Mohamed Shifau (@mhshifau) September 26, 2020

އޭނާ ވިދާޅުވީ، ހުޅުވިގެން މިދާ ދޮރުތަކަކީ އުތުރުގެ އިގްތިސޯދަށް އާރޯކަން ގެނުވާނެ ދޮރުތަކެއް ކަމަށެވެ.