މަސްވެރިންނަށް ވިއްކާތެލުގެ އަގު މިފްކޯއިން އަނެއްކާވެސް ހެޔޮކޮށްފި

މަސްވެރިންނަށް މިފްކޯއިން ވިއްކާ ތެލުގެ އަގު އަނެއްކާ ވެސް ހެޔޮކޮށްފި އެވެ.

މީގެ ކުރިން މިފްކޯ އިން މަސްވެރިންނަށް ޑީސަލް ލީޓަރެއް ވިއްކަނީ 7.33 ރުފިޔާ އަށެވެ.

މިއަދު ގެނައި ބަދަލާ އެކު މިފްކޯގެ މަސްގަންނަ ސެންޓަރުތަކާއި ބޯޓުފަހަރުން މަސްވެރިންނަށް ޑީސަލް ލީޓަރެއް ވިއްކާނީ 6.67 ރުފިޔާ އަށެވެ.

މިއަދު ގެނައި ބަދަލާއެކު ޑީސަލް ލީޓަރަކުން 0.66 ލާރި ހެޔޮވާނެ އެވެ. ބާޒާރުގައި ޑީސަލް ލީޓަރެއްގެ އަގު ހުރީ 8.71 ރުފިޔާ އަށެވެ.

ސަރުކާރުން މި ބަދަލު ގެނެސްފައިވާއިރު ޑިއުޓީ އުނިކޮށްފައިވާ ޑީސަލް ވިއްކާނީ ފިޝަރީޒް މިނިސްޓްރީން ދޫކުރާ މަސްވެރިކަމުގެ ލައިސަންސް އޮންނަ އުނޅަދުތަކަށް އެކަންޏެވެ.

މިދިޔަ މަހުވެސް މިފްކޯއިން ވަނީ ތެލުގެ އަގަށް ބަދަލު ގެނެސްފަ އެވެ.